समृद्धी महामार्गाच्या कामावरील घटना! दगड अंगावर पडून अल्पवयीन कामगाराचा मृत्यू

औरंंगाबाद : डोंगर कोरून सुरू असलेल्या समृद्धी महामार्गाच्या कामावर दगड अंगावर पडून अल्पवयीन कामगाराचा मृत्यू झाला. हा अपघात गुरुवारी (दि.३) सकाळी नऊच्या सुमारास जटवाडा परिवारात घडला. शेख मुस्तकीन ऊर्फ राजू शेख कय्युम (वय १७, रा.जटवाडा) असे मृताचे नाव आहे. विशेष म्हणजे शेख मयत मुस्तकिम यांच्या आधारकार्डवरील जन्म तारखेनुसार त्याचे वय १७ वर्ष आहे. मात्र, कुटुंबियांच्या म्हणण्यानुसार तो २० वर्षाचा आहे त्यामुळे वयावरून साशंकता निर्माण झाली आहे.

राज्य सरकारचा महत्वकांक्षी प्रकल्प म्हणून मुंबई-नागपूर समृद्धी महामार्ग ओळखला जातो आहे. सध्या या मार्गाने काम वेगाने सुरू आहे. औरंगाबादलगत असलेल्या हर्सूल-सावंगी येथून हा मार्ग जाणार आहे. दोन डोंगराच्या मधून समृद्धी महामार्ग जाणार आहे.

याच कामावर मुस्तकिम हा मजुरीचे काम करत होता. गुरुवारी सकाळी काम करत असताना अचानक मोठा दगड मुस्तकिमच्या अंगावर पडला. यात तो गंभीर जखमी झाला. त्याला तात्काळ घाटीत नेण्यात आले. मात्र, डॉक्टरांनी तपासून मयत घोषित केले. या घटनेची नोंद दौलताबाद पोलिस ठाण्यात करण्यात आली आहे.

महत्वाच्या बातम्या

• मिल्खा सिंग यांची तब्येत पुन्हा खालावली ; ICU मध्ये दाखल
• ‘गोपीचंद पडळकर भाजपचे बुजगावणं, त्यांच्याकडे महाविकासआघाडीच्या नेत्यांनी लक्ष देऊ नये’
• २०२४ मध्ये काँग्रेस स्वबळावर सत्तेत येईल असं काम करा; पटोलेंनी पुन्हा ठोकला ‘स्वबळाचा’ शड्डू
• शतक कॉनवेचे; चर्चा मात्र दादाची! जाणून घ्या काय आहे कारण..
• ‘मला घाई होती, त्यामुळे पत्रकार परिषदेत ‘तत्वतः’ मान्यता हा शब्द राहिला’; वडेट्टीवारांच अजब स्पष्टीकरण