शतक कॉनवेचे; चर्चा मात्र दादाची! जाणून घ्या काय आहे कारण..

मुंबई : २ जुनपासुन इंग्लंड येथील लॉर्ड्स या मैदानावर इंग्लंड आणि न्युझीलंड या दोन्ही संघात पहिला कसोटी सामना सुरु झाला. सामन्याच्या पहिल्या दिवशी न्युझीलंडचे वर्चस्व राहिले. पहिल्या दिवसाआखेर न्युझीलंडच्या संघाने ८६ षटकात ३ गडी गमावत २४६ धावांची मजल मारली.

या सामन्यात न्युझीलंडकडुन डेवॉन कॉनवेने पदार्पण केले. आपल्या पदार्पणातच कॉनवेने शतकी खेळी करत लॉर्ड्सवर पदार्पणात सर्वाधीक धावांची खेळी करणारा फलंदाज ठरला. त्याच्या या खेळीनंतर सगळीकडे भारताचा माजी कर्णधार सौरव गांगुलीची चर्चा होत आहे. कारण यावेळी कॉनवेने पदार्पणात शतकी खेळी करत सौरव गांगुलीचा २५ वर्ष जुना विश्वविक्रम मोडला. मात्र गोष्ट इथेच थांबत नाही. डेवॉन कॉनवे आणि सौरव गांगुली दोघांचा वाढदिवस हा एकाच दिवशी म्हणजे ८ जुलै रोजी असतो. मात्र दोघांच्या वयात १९ वर्षाचा फरक आहे.

सौरव गांगुलीने १९९६ मध्ये लॉर्ड्स येथे कसोटी पदार्पण केले होते. या पदार्पणात त्याने १३१ धावांची खेळी केली होती. मागील २५ वर्षापासुन हा विक्रम अबाधीत होता. मात्र नुकत्याच सुरु झालेल्या इंग्लंड- न्युझीलंड मालिकेत हा विक्रम मोडण्यात आला. न्युझीलंड संघाचे इतर फलंदाज अपयशी होत असताना कॉनवेने २४० चेंडुचा सामना करताना १६ चौकराच्या साहाय्याने १३६ धावांची नाबाद खेळी केली.

महत्त्वाच्या बातम्या

• ‘कायदे पाळणाऱ्यांचा सन्मान करा’, मंत्री सुभाष देसाईंकडून खैरे आणि जलील यांची कानउघाडणी
• खुशखबर : ‘या’ १८ जिल्ह्यांमध्ये संपूर्ण ‘अनलॉक’; थिएटर्स ते सार्वजनिक वाहतूक सर्व होणार सुरु !
• ‘..तर मी संघाला वेगवान गोलंदाजांची कमतरता जाणवू देणार नाही’, शोएब अख्तरचा पाक क्रिकेट बोर्डाला विश्वास
• चीनची प्रेम आणि आदर करायला पात्र अशी प्रतिमा तयार करण्यासाठी प्रयत्न करा – शी जीनपिंग
• महेंद्रसिंह धोनी इंग्लंडच्या ‘या’ कर्णधारापेक्षा सरस; सलमान बट्टचा दावा