पुण्यात शिवसेना किंग किंवा किंगमेकरची भूमिका बजावणार – संजय राऊत

पुणे – राज्यात २०१९ विधानसभा निवडणुकांच्या निकालानंतर भिन्न विचारसरणी असलेले काँग्रेस, शिवसेना आणि राष्ट्रवादी काँग्रेस या तीन पक्षांनी एकत्र येऊन महाविकास आघाडी सरकारची स्थापना केली. दरम्यान, महाविकास आघाडी सरकारमधील धुसफूस अनेकदा समोर आली असून स्थानिक स्तरासह राज्यातील पुढील निवडणुकांमध्ये महाविकास आघाडी एकत्र लढणार का याबाबत कायमच उत्सुकता असते.

राज्यात पुढीलवर्षी होणाऱ्या स्थानिक स्वराज्य संस्थेच्या निवडणुकीत महाविकास आघाडी सरकारने एकत्र येत निवडणूक लढवावी, अशी भूमिका शिवसेना नेते संजय राऊत यांनी मांडली आहे. पुण्यात शिवसेना भवन येथे आयोजित शिवसेना नेत्यांच्या बैठकीनंतर झालेल्या पत्रकार परिषदेत ते बोलत होते.

पुण्यात होणाऱ्या निवडणुकीत महाविकास आघाडीने एकत्र येऊन निवडणूक लढवल्यास शिवसेना 80 जागा लढवणार आहे. तसेच यंदा पुण्यात शिवसेना किंग किंवा किंगमेकरची भूमिका बजावणार असल्याचे अस मत शिवसेना नेते खासदार संजय राऊत यांनी व्यक्त केले आहे.

यावेळी त्यांनी  खेडमधील राष्ट्रवादी आणि शिवसेना वादावरही संजय राऊत यांनी भाष्य केले. सत्ता असली किंवा नसो आमच्यासाठी शिवसेना महत्त्वाची आहे. त्यामुळे जिथे शिवसेनेवर अन्याय होईल, तिथे आम्ही उभे राहणारच, असे संजय राऊत यांनी सांगितले.

दरम्यान,दुसऱ्या बाजूला काँग्रेसने मुंबईसह अनेक महापालिकांमध्ये स्वबळाचा नारा दिला असतानाच २०२४ च्या विधानसभा निवडणूक स्वबळावर लढवून काँग्रेस सत्तेत येईल यासाठी कार्यकर्त्यांना कामाला लागण्याचे निर्देश काँग्रेस प्रदेशाध्यक्ष नाना पटोले यांनी दिले आहेत.

महत्वाच्या बातम्या 

• ‘हंगामा 2’ कॉमेडी चित्रपट लवकरच होणार ओटीटी प्लॅटफॉर्मवर प्रदर्शित
• धोनीच्या कारकीर्दीतला ‘तो’ निर्णय आश्चर्यकारक
• अमित देशमुखांच्या सूचनेनुसार शहराच्या स्वच्छतेसाठी सहा जेसीबी सज्ज; आता स्वच्छतेची प्रतीक्षा!
• ‘रस्त्याचे काम रखडल्याने कोरोना रुग्णांचे मृत्यू’, आ. धस यांचा आरोप
• ‘राज्यातील महाविकास आघाडी सरकार कधी कोसळले ते कळणारही नाही’