परभणीमध्ये दारुच्या चोरट्या वाहतूकीसह रेतीचा टिप्पर पकडला

परभणी :   शुक्रवारी रात्री विनापरवाना दारूची वाहतूक करणार्‍या अ‍ॅटोतून दारूचा मोठ्या प्रमाणात साठा जप्त करुन एकास ताब्यात घेण्यात आले आहे. ही कारवाई स्थानिक गुन्हे शाखेच्या पथकाने केली आहे. या बाबत गुन्हा दाखल करण्यात आला आहे.

या वेळी स्थानिक गुन्हे शाखेचे फौजदार विश्वास खोले, फौजदार चंद्रकांत पवार यांच्यासह कर्मचारी सुग्रीव केंद्रे, निलेश भुजबळ, शंकर गायकवाड, यशवंत वाघमारे, अजहर पटेल, दीपक मुदीराज, अरुण कांबळे गस्त घालत असताना त्यांना   एका अ‍ॅटोतून विनापरवाना दारूची वाहतूक होत असल्याची माहिती मिळाली होती. त्यावरून शुक्रवारी रात्री स्टेडीयमकडून वकीलकॉलनीकडे जाणारा  अ‍ॅटो (क्र.एमएच22 यु 3673) थांबवला. या नंतर पोलिसांनी ऑटो चालकाची चौकशी करुन अ‍ॅटोची तपासणी केल्यानंतर त्यात दारूचा साठा सापडला.

या कारवाईत 75 हजार रुपयांचा मुद्देमाल जप्त करुन एकास ताब्यात घेतले. नवामोंढा पोलिस ठाण्यात गुन्हा दाखल केला आहे. दरम्यान शनिवारी पुर्णा येथे रेतीचे अवैध वाहतूक करणारे टिप्पर देखील स्थानिक गुन्हे शाखेने पकडले. तर दोघे ताब्यात घेतले आहेत. तर या कारवाईमध्ये ६ लाख १२ हजार रुपयांचा मुद्देमाल पथकाने जप्त करीत पूर्णा पोलिसांत गुन्हा दाखल केला आहे.

महत्त्वाच्या बातम्या 

• आलिया भट्टची रणबीर कपुरच्या आठवणीत भावनिक पोस्ट
• ‘एमपीएससी परिक्षा २१ मार्च रोजी, सर्वांना माझ्याकडून शुभेच्छा’
• नागरी घनकचरा प्रक्रिया प्रकल्पाची जिल्हाधिकारी सुनिल चव्हाण यांच्याकडून पाहणी
• शाळेच्या अनुदानासाठी १४० कोटीच्या निधीस मंजुरी : वर्षा गायकवाड
• महिलांचा आर्थिकस्तर उंचाविण्याचा जीवनज्योती अभियानातून प्रयत्न-मंगेश गोंदावले