तेलंगणातील भाजपा नेत्याला कारच्या डिक्कीत बंद करुन जिवंत जाळलं

🕒 1 min read

हैदराबाद – तेलंगणमधील मेडक जिल्ह्यामध्ये एक धक्कादायक प्रकार उघडकीस आला आहे. येथील एका स्थानिक भाजपा नेत्याची अगदी क्रूरपणे हत्या करण्यात आली आहे. हा नेता त्याच्या कारने जात असतानाच अनोळखी व्यक्तींनी त्याची कार पेटवून दिली. यामध्ये होरपळून या नेत्याचा मृत्यू झाला आहे. संबंधित प्रकरणामध्ये गुन्हा दाखल करण्यात आला असून तपास सुरु असल्याची माहिती पोलिसांनी दिली आहे.

पोलिसांनी दिलेल्या माहितीनुसार, काही अज्ञात व्यक्तींनी भाजप नेत्याला कारच्या डिक्कीमध्ये बंद केलं आणि त्यानंतर कारला आग लावली. ज्यात भाजपच्या स्थानिक नेत्याचा मृत्यू झाला आहे. मृत व्यक्तीचं व्ही. श्रीनिवास प्रसाद असं या नेत्याचं नाव आहे. प्रसाद हे भाजपचे माजी जिल्हा उपाध्यक्ष होते. या प्रकरणी स्थानिक नागरिकांकडे चौकशी केली जात आहे.

Telangana | A local BJP leader in Medak District died after he was set ablaze by unidentified persons. A case has been registered.

"Few persons set him on fire along with his car. We found his burnt body in the trunk of his car," said Chandana Deepti, SP, Medak (10.08) pic.twitter.com/wdmEyThavf

— ANI (@ANI) August 10, 2021

या घटनेची माहिती मिळताच पोलिसांनी घटनास्थळी धाव घेऊन मृतदेह पोस्टमार्टमसाठी स्थानिय सरकारी रुग्णालयात पाठवला. या हत्याकांड प्रकरणी पोलिसांनी अज्ञात आरोपींविरोधात हत्येचा गुन्हा दाखल केला आहे. मेडक जिल्ह्याच्या पोलीस अधीक्षक चंदना दीप्ती यांनी सांगितले की काही अज्ञातांनी भाजपा नेत्याला त्यांच्या कारसह पेटवून दिले. आम्हाला कारच्या डिक्कीत प्रसाद यांचा मृतदेह जळालेल्या अवस्थेत आढळून आला.

महत्त्वाच्या बातम्या

• पुराशी सामना केल्यानंतर आता डेल्टा प्लसने कोल्हापूरकरांची चिंता वाढवली
• ‘व्यंकय्या नायडूंना सभागृहात अश्रू अनावर’, ‘यामुळे’रात्रभर झोपू शकले नाही
• सोलापूर जिल्ह्यावर लादण्यात आलेल्या निर्बंधांना व्यापारी महासंघाने केला तीव्र विरोध
• आम्ही ‘या’ विधेयकाला समर्थन देतोय, पण… – संजय राऊत
• निर्बंध शिथिल करण्याबाबत पुण्याला वेगळा आणि सोलापूरला वेगळा न्याय का ?