हरियाना: येथील बहादूरगडमध्ये पुन्हा एक मोठा अपघात झाला आहे. कृषी कायद्यांविरोधात आंदोलन करणाऱ्या तीन आंदोलनकर्त्या महिलांना ट्रकखाली चिरडले असल्याची घटना येथे घडली आहे.
दरम्यान सकाळी सहा वाजेपासून झज्जर रोडवर फ्लायओव्हरखाली ही घटना घडली. आंदोलनकर्त्या शेतकऱ्यांच्या निर्धारीत रोटेशननुसार या महिला आंदोलनानंतर आपल्या घरी निघाल्या होत्या. या महिला रस्त्यावरील डिव्हायडरवर बसून घरी जाण्यासाठी रिक्षाची वाट पाहत होत्या. यावेळी एका अनियंत्रित वेगानं येणाऱ्या ट्रकने या महिलांना धडक दिली. घटनेची माहिती मिळताच पोलिसांनी घटनास्थळी धाव घेत जखमी नागरिकांना रुग्णालयात हलवले आहे.
तर छिंदर कौर (६० वर्ष), अमरजीत कौर (५८ वर्ष), आणि गुरमेल कौर (६० वर्ष) अशी मृत्युमुखी पडलेल्या महिलांची नावे आहेत. या घटनेमुळे आता देशभरात संताप व्यक्त करण्यात येत आहे.
महत्त्वाच्या बातम्या
- टेलिव्हिजन अभिनेत्री काम्या पंजाबीचा काँग्रेसमध्ये प्रवेश
- ‘सरकार आणि समाजाने हवामानाचा धोका समजून घ्यावा अन्यथा…’,’सामना’तून राऊतांचा इशारा
- मोदी कायद्यापेक्षा मोठे नाहीत; पेगाससवरून कॉंग्रेसचा टोला
- किरण गोसावीला अटक करण्यात पुणे पोलीस यशस्वी
- ‘..तर मी राजीनामा तर देईलच पण राजकारणातून संन्यासही घेईल’ : नवाब मलिक
