औंरगाबादेत बॅनर लावून बायको पाहिजे म्हणणाऱ्यावर अखेर गुन्हा दाखल

🕒 1 min read

औरंगाबाद : ‘महापालिकेची निवडणूक लढवण्यासाठी उमेदवार बायको पाहिजे’ अशा आशयाचे बॅनर लावलेल्या रमेश पाटलावर अखेर क्रांती चौक पोलीस ठाण्यात गुन्हा दाखल झाला आहे. याप्रकरणी भाजपच्या महिला पदाधिकाऱ्यांनी या बॅनरवर शाईफेक करुन बॅनर फाडले होते. तसेच रमेश पाटलावर गुन्हा दाखल करण्याची मागणी केली होती.

तीन आपत्य असल्याने महापालिकेची निवडणूक लढवता येत नाही. त्यामुळे निवडणूक उमेदवार बायको पाहिजे, असे मोठे बॅनर रमेश पाटलाने लावले होते. त्यानंतर त्याचे फोटो सोशल मिडीयावर प्रचंड व्हायरल झाले. महिलांनी यावर आक्षेप घेतल्याने वातावरण चांगलेच तापले होते. त्यामुळे पोलिसांना गुन्हा दाखल करुन घ्यावा लागला आहे. महिलांबद्दल अशा प्रकारे मजकूर लिहिल्याने हे प्रकरण त्याला चांगलंच आंगलट आलं आहे.

औरंगाबाद शहरात शनिवारी रात्री पासून लागलेल्या या बॅनरने चांगलीच प्रसिद्धी मिळवली. शहरातच नव्हे तर संपूर्ण महाराष्ट्रात हे बॅनर मोठ्या प्रमाणावर व्हायरल. ‘निवडणूक लढवण्यासाठी बायको पाहिजे’ शहरातील मुख्य ठिकाणी लावण्यात आलेले आहेत. मुख्यत्वे करून यामध्ये जातीची कुठलीही अट नसून आपल्याला तीन मुले असल्या कारणाने आपण निवडणूक लढवू शकत नाही त्यामुळे लढाऊ उमेदवार पाहिजे असा मजकूर या बॅनरवर छापण्यात आला आहे. रमेश विनायकराव पाटील यांनी शहरातील वर्दळीच्या तीन ठिकाणी हे बॅनर लावले होते.

महत्वाच्या बातम्या

• “अमृता फडणवीस आमच्या सुनबाई”, ‘त्या’ ट्वीटवर नाना पटोलेंचे प्रत्युत्तर

• राज्यात अनेक प्रश्न असून सरकारला केवळ मद्यविक्रीत रस- नवनीत राणा

• “प्रेक्षकांनी स्वत:चा चॉईस तपासून पहा, भिकार सिरीयल पाहणे बंद करा”, विक्रम गोखलेंचे वादग्रस्त वक्तव्य

• “मुंबईत २५ वर्ष सत्ता असुनही शिवसेनेने रस्ते बांधले नाही, आता निवडणुकीसाठी…”

• “…तर वाईन विक्रीचा निर्णय शेअरच्या किमती वाढवायला घेतलाय?”, भातखळकरांचे टीकास्त्र