पाकिस्तान : अविश्वास प्रस्तावादरम्यान एमक्यूएमपी, पीएमएल-क्यू आणि बीएपी या इम्रान सरकारमधील मित्रपक्षांनी विरोधकांना पाठिंबा देण्याचा निर्णय घेतला आहे. इम्रान खान सरकारसाठी केवळ मित्रपक्षच चिंतेचे कारण नसून, त्यांच्या पक्ष तेहरीक-ए-इन्साफच्या 24 खासदारांनीही बंडखोरी केली आहे.
सर्वांचे लक्ष पाकिस्तानच्या राष्ट्रीय विधानसभेकडे लागले आहे. विधानसभेचे अधिवेशन सोमवारपासून येथे सुरू झाले. या अधिवेशनात इम्रान खान यांच्याविरोधातील अविश्वास प्रस्तावावर मतदान होणार आहे. तत्पूर्वी, इम्रान सरकारमधील गृहमंत्री शेख रशीद अहमद यांनी रविवारी सांगितले की, स्पीकर असद कैसर यांनी सोमवारी अविश्वास प्रस्ताव मांडण्यास परवानगी दिली तर त्यावर ४ एप्रिलला मतदान होईल. मात्र, त्याआधीच इम्रान खानला मोठा झटका बसला आहे. इम्रान सरकारमधील मित्रपक्षांनी त्याला पाठिंबा देणे बंद केले आहे. हे पक्ष एकामागून एक विरोधकांसोबत उभे राहिलेले दिसतात.
इम्रान खान यांच्या पक्ष पाकिस्तान तेहरीक-ए-इन्साफचे सुमारे २४ खासदार बंडखोर असल्याचे सांगण्यात येत आहे. इम्रान खान सातत्याने त्यांचे मन वळवण्याचा प्रयत्न करत आहेत. मात्र यादरम्यान त्यांच्या अडचणीत आणखी वाढ झाली आहे. वास्तविक, सरकारमधील मित्रपक्ष, एमक्यूएमपी, पीएमएलक्यू आणि जमहूरी वतन या पक्षांनी बंडखोर वृत्ती दाखवायला सुरुवात केली आहे. यापूर्वी, विरोधी पक्षांनीही दावा केला आहे की, फ्लोर टेस्टमध्ये इम्रान सरकारला पाठिंबा देणारे पक्षही विरोधकांसोबत येतील.
महत्वाच्या बातम्या –
“राजीनामा मागणारे विरोधक आणि राजीनामा देणारे…” – पंकजा मुंडेंचा भाजपला टोला
“जनतेच्या प्रश्नावर अधिवेशन व्हायला पाहिजे होतं”, पंकजा मुंडेंनी साधला मविआवर निशाणा
“आमची ५ मुलं…”, पाकिस्तानचे माजी क्रिकेटपटू इम्रान खानबद्दल पूर्व पत्नीचा धक्कादायक खुलासा!
IPL 2022 : तेरी झलक मोईन अली…! CSKच्या संघात आनंदाचं वातावरण; पाहा VIDEO!
“…तर देशात एक वाक्यता टिकणार कशी?”, ‘द कश्मीर फाइल्स’वरून शरद पवारांचा पंतप्रधान मोदींना सवाल
बातम्यांसाठी YouTube चॅनेल Subscribe करा
Subscribe Now
