औरंगाबाद : शहरात सोमवारपासून दहा दिवसांचे लॉकडाऊन होणार अशी चर्चा सुरू आहे. यावर औरंगाबादचे पोलीस आयुक्त डॉ.निखील गुप्ता म्हणाले, सध्या कोणतीही अधिकृत माहिती नाहीये. संबधित अधिकाऱ्यांसोबत बैठक होऊन निर्णय घेतला जाईल. निर्णय घेतला की नागरिकांना कळवला जाईल. सोशल मीडियावर सध्या जे सुरू आहे, त्या केवळ अफवा आहेत. परंतू एक ते दोन दिवसांत लॉकडाऊनचा निर्णय होणार आहे.
शहरात सध्या कोरोना रुग्ण संख्या झपाट्याने वाढत आहे. त्या अनुषंगाने शहरात सोमवारपासून दहा दिवसांचे लॉकडाऊन लागणार असल्याच्या चर्चेला उधाण आले आहे. परंतु, शहरात लॉकडाऊन लागणार या विषयी प्रशासनाने अद्यापपर्यंत कोणताही निर्णय घेतला नसल्याचे प्रभारी जिल्हाधिकारी अनंत गव्हाणे यांनी सांगितले आहे. मात्र,शहर लॉकडाऊनच्या उंबरठ्यावर असल्याचे दिसत आहे. कोरोनाचे सावट शहरात वाढत आहे. रुग्ण संख्या दररोज तीनशे पार जात आहे. त्यामुळे प्रशासनाच्या नाकी नऊ आले आहे.
तसेच मनपा आयुक्त तथा प्रशासक आस्तिककुमार पांडेय म्हणाले की, सोमवारपासून लॉकडाऊन लागू होणार नाहीये. पण कोरोना परिस्थिती हाताबाहेर जात आहे. त्यामुळे लॉकडाऊन लावण्याची वेळ आलेली आहे. याबाबत जिल्हा प्रशासन आणि संबधित यंत्रणा निर्णय घेतील. पण सोमवारपासून लॉकडाऊन लागणार नाही हे निश्चित आहे.
काही दिवसांपूर्वी मनपा आयुक्त आस्तिककुमार पांडे यांनी रुग्ण संख्या वाढत राहिल्यास, लॉकडाऊन लावण्यासंदर्भात भाष्य केले होते. त्या अनुषंगाने वृत्तवाहिन्यांनी आज शनिवारी लॉकडाऊन संदर्भात बातमी प्रकाशित केल्यामुळे शहरात लॉकडाऊन संदर्भातल्या चर्चेला उधान आले होते. दरम्यान, औरंगाबादचे प्रभारी जिल्हाधिकारी अनंत गव्हाणे, जिल्हा माहिती अधिकारी मुकूंद चिलवंत आणि मनपाचे जनसंपर्क अधिकाऱ्यांनी लॉकडाऊनची चर्चा फेटाळली आहे. अद्यापपर्यंत कोणताही निर्णय घेतला नाही असे त्यांनी सांगितले. केवळ सोशल मीडियावर या प्रकारच्या चर्चा सुरू असल्याचे ते म्हणाले.
महत्वाच्या बातम्या
- औरंगाबाद शहरात दहा दिवसांचे लॉकडाऊन? जाणून घ्या काय सत्य आहे
- औरंगाबाद लॉकडाऊनबद्दल मनपा आयुक्तांची महत्त्वाची माहिती, म्हणाले..
- पंकजा मुंडे मतदारसंघात सक्रिय; पक्षातील मरगळ दूर करण्याचा प्रयत्न
- भाजपनंतर ‘महाविकास’कडूनही धनगर समाजाची अवहेलना, धनंजय मुंडेंची खंत
- पालकमंत्री देसाई दोन दिवसात घेणार शहरातील पाणीटंचाई निवारणासाठी बैठक
बातम्यांसाठी YouTube चॅनेल Subscribe करा
Subscribe Now
