औरंगाबाद : जीबीपीआर कंपनीने शहराला पाणी पुरवठा करण्यासाठी मंजुर करण्यात आलेल्या 1680 कोटी रुपयांच्या जलयोजनेचे काम घेतले आहेत. पाणी पुरवठा सुरळीत करण्यासाठी आलेल्या कामाचे उद्घाटन होऊन दिड महिना होऊन गेला तरी, ठेकेदाराने अनामत रक्कम भरली नसल्याने त्यांना कार्यारंभ आदेश देण्यात आला नव्हता. दोन दिवसांपूर्वी ठेकेदाराने अनामत रक्कम भरली असून गुरुवारी त्यास कार्यारंभ आदेश देण्यात येणार आहे.
महाराष्ट्र देशाने याबाबत ‘पाणीपुरवठा योजनेचा नुसताच बोभाटा, अद्यापही कार्यारंभ आदेशच नाही’ या मथळ्याखाली बातमी प्रकाशित केली होती. याची दखल घेऊन मनपाने कामाची अनामत रक्कम भरल्याचे जाहीर केले.
वाचा
पाणीपुरवठा योजनेचा नुसताच बोभाटा, अद्यापही कार्यारंभ आदेशच नाही
दीड वर्षांपासून जलवाहिनी योजना मंजूर असूनही त्यास निधी नसल्याने योजना मार्गी लागू शकली नाही. गेल्या महिन्यात आठ डिसेंबर रोजी योजनेच्या खर्चास मंजुरी मिळाली. त्यानंतर 12 डिसेंबर रोजी मुख्यमंत्री उद्धव ठाकरे यांच्या हस्ते मोठ्या थाटात करण्यात आले. त्यावर दिड महिना उलटून गेला तरी, योजनेचे काम पुढे जात नव्हते. त्याची माहिती घेतली असता ठेकेदाराने त्यांना द्यावी लागणारी अनामत रक्कम भरली नसल्याने कार्यांरभ आदेश दिला नव्हता.
गेल्या आठवड्यात पालकमंत्री सुभाष देसाई, एमजेपीचे अधिकारी आणि ठेकेदाराच्या प्रतिनिधीची संयुक्त बैठक मुंबईत पार पडली. त्यावेळी वाढीव रक्कम 300 कोटी रुपये देण्याची मागणी ठेकेदाराने केली होती. त्यावर वाढीव रक्कम मिळणार नसून तत्काळ अनामत रक्कम भरण्याचे आदेश ठेकेदारास दिले होते. दोन दिवसांपूर्वीच ठेकेदाराने अनामत रक्कम भरल्याने त्यांना कार्यारंभ आदेश देण्यात येणार आहे.
महत्वाच्या बातम्या
- रिहानाविरुद्ध आता बॉलीवूडचा खिलाडी, सिंघम मैदानात, गैरसमज पसरवणाऱ्यांनाही सुनावले खडे बोल
- रिहानाच्या ट्विटवर राहुल गांधींनी दिली ‘ही’ प्रतिक्रिया, दिल्लीतील फौजफाट्यावरून मोदींवर टीका
- प्यायचे होते पाणी, पण चुकून प्यायले सॅनिटायझर; BMCचे सहआयुक्त रमेश पवारांकडून घडली चूक
- शरजील उस्मानीवर कारवाई करण्याच्या मागणीसाठी चंद्रकांत पाटलांचे थेट योगींना पत्र
- ‘एखाद्या पराक्रमी योद्ध्याप्रमाणे मुंडेंचं स्वागत होतंय, त्यांचं स्वागत करणाऱ्यांची मानसिकता तपासायला हवी’
