‘ज्यांनी हिंदुत्व व मराठी अस्मितेला विरोध केला त्यांनी जर..’, दरेकरांचा सेनेला टोला

🕒 1 min read

मुंबई : दादरा नगर हवेलीच्या लोकसभा पोटनिवडणुकीत दिवंगत मोहन डेलकर यांच्या पत्नी कलाबेन डेलकर यांनी भाजप उमेदवाराचा दणदणीत पराभव केला. दादरा नगर हवेलीच्या विजयासह शिवसेनेने प्रथमच महाराष्ट्राबाहेर लोकसभा जागा जिंकली आहे. सेनेच्या या कामगिरीनंतर आता भाजपचे विधान परिषदेचे विरोधी पक्षनेते प्रवीण दरेकर यांनी शुभेच्छा देत टोलाही लगावला आहे.

शिवसेनेच्या कामगिरीसाठी आमच्या त्यांना शुभेच्छा आहेत. आम्हाला दु:ख वाटण्याचं कारण नाही, आम्हाला आनंदच आहे. महाविकास आघाडी सरकार स्थापन करताना शिवसेनेने मराठी अस्मिता, हिंदुत्व हे सगळं गुंडाळून ठेवलं. ज्यांनी आयुष्यभर हिंदुत्वाला विरोध केला, मराठी अस्मितेला विरोध केला, स्वाभिमानाला विरोध केला त्यांच्याशीच सेनेने हातमिळवणी केली. दादरा नगर हवेलीची जागा जिंकल्याने सेना जर राष्ट्रीय राजकारणात जाणार असेल तर त्यांना आमच्या शुभेच्छाच आहेत. असे खोचक ट्वीट करत दरेकर यांनी व्हिडिओ पोस्ट केला आहे.

शिवसेनेच्या राष्ट्रीय कामगिरीसाठी शुभेच्छा! ज्यांनी #मविआ सरकारमध्ये हिंदुत्वाला व मराठी अस्मितेला विरोध केला आणि आता दादरा-नगर हवेलीला विजय मिळाल्यामुळे जर ते राष्ट्रीय राजकारणात जाणार असतील तर आमच्या शुभेच्छाच आहेत.@CMOMaharashtra pic.twitter.com/mwe8ulBeNP

— Pravin Darekar – प्रविण दरेकर (@mipravindarekar) November 2, 2021

दरम्यान दादरा नगर हवेलीचे खासदार मोहन डेलकर यांनी फेब्रुवारी महिन्यात मुंबईतील मरीन ड्राईव्ह लगतच्या एका हॉटेलमध्ये गळफास घेऊन आत्महत्या केली होती. त्यांच्या निधनानंतर रिक्त झालेल्या जागेवर 30 ऑक्टोबर रोजी मतदान पार पडलं तर काल मतमोजणी झाली. या निवडणुकीत सेनेच्या कलाबेन डेलकर यांनी भाजपच्या महेश गावीत यांचा 51 हजार मतांनी पराभव केला आहे. तर शिवसेनेच्या विजयानंतर नेतेमंडळी सेना पक्षनेतृत्वाचं आणि खासदार संजय राऊत यांचं कौतुक करत त्यांना शुभेच्छा देत आहेत.

महत्वाच्या बातम्या

• ‘अजित पवारांशी संबंधित कोणत्याही संपत्तीवर टाच किंवा त्यासंदर्भातील नोटीसही नाही’
• ३० नोव्हेंबरपर्यंत राज्यात किमान पहिल्या डोसमध्ये १०० टक्के लसीकरण करा- मुख्यमंत्री ठाकरे
• देगलूरचा विजय म्हणजे जनतेचा आघाडीवरील विश्वास- नाना पटोले
• मी कोरोना लस घेतली नाही आणि घेणारही नाही; इंदुरीकर महाराजांचा ‘तो’ व्हिडिओ होतोय व्हायरल
• शिवसेनेच्या वाघिणीने मैदान मारलं, मोदी-शहांच्या बालेकिल्ल्यात भाजपचा दारूण पराभव