‘मी एकटाच आझाद मैदानावर उपोषण करणार, एक दिवस की बेमुदत हे समाजाने मला सांगावं’

पुणे : मराठा समाजाला अद्यापही आरक्षणाची प्रतीक्षा असून सर्वोच्च न्यायालयाने मराठा आरक्षणाचा कायदा रद्द केल्यानंतर मराठा समाज हा आक्रमक झाला आहे. यावरून सत्ताधारी आणि विरोधकांचे एकमेकांवर आरोप प्रत्यारोप सुरु आहेत. अशातच आता मराठा समाज हा पुन्हा रस्त्यावर उतरणार आहे. पश्चिम महाराष्ट्रातील महापूर आणि राज्यातील कोरोनाची स्थिती ओसरल्यानंतर आता मराठा समाज आरक्षणासाठी पुन्हा आंदोलन करणार आहे.

दरम्यान, आज मराठा क्रांती मोर्चाकडून पुण्यात राज्यव्यापी बैठकीचं आयोजन करण्यात आलं होतं. यावेळी खासदार संभाजीराजे छत्रपती यांच्यासह मराठा समन्वयक, विविध मराठा संघटनांचे कार्यकर्ते हे या बैठकीला उपस्थित राहिले. यावेळी मराठा समाजातील व्यक्तींच्या बाजू, भावना ऐकून घेतल्यानंतर संभाजीराजे यांनी पुढील भूमिका जाहीर केली.

मराठा समाजाला न्याय मिळावा म्हणून गेली कित्येक वर्षे मी महाराष्ट्रातील समाज बांधवांच्या बाजु ऐकून घेण्यासाठी बाहेर फिरत आहे. मोजकेच दिवस घरी असतो. मागील काही दिवस अनेकजण विचारत आहेत की संभाजीराजेंनी आता भूमिका काय आहे? संभाजीराजे मॅनेज झालेत का ? पण संभाजीराजेंची भूमिका स्पष्ट आहे, जे राजर्षी शाहू महाराजांनी सांगितलं जो वंचित त्यांना आरक्षण दिलं पाहिजे. लोकांना फसवणं छत्रपतींच्या रक्तात नाही, असं संभाजीराजेंनी सांगितलं.

‘समाजाने ताकद दाखवलीये. ५० हुन अधिक मोर्चे मराठा समाजाने केले. मात्र आता एकच विनंती आहे, तुम्ही आंदोलन करण्यापेक्षा मी एकटाच आझाद मैदानावर लाक्षणिक उपोषण करेन. एक दिवस असो कि बेमुदत…समाज सांगेल तितके दिवस मी हे उपोषण करेन,’ अशी घोषणा संभाजीराजे यांनी केली आहे. यासोबतच, आजच्या बैठकीत उपस्थित काही युवकांनी नांदेडमध्ये मूक आंदोलन करावे अशी मागणी उचलून धरली. पुढील मूक मोर्चा हा नांदेडमध्येच व्हावा अशी संभाजीराजेंकडे सातत्याने ते मागणी करत होते. तर संबोधन करताना ही मागणी मान्य करत पुढील मूक मोर्चा हा नांदेडमध्येच होईल अशी घोषणा संभाजीराजे यांनी केली. यासोबतच, हा मोर्चा कोणीही कायदा हातात न घेता, कोरोनाचे नियम पाळून करण्यात यावा अशी सूचना देखील त्यांनी केली आहे.

महत्त्वाच्या बातम्या

• स्थानिक स्वराज्य संस्थेच्या निवडणुका स्वबळावर लढविणार, खासदार संजय जाधव यांचे विधान
• नीरज चोप्राप्रमाणेच राखी सावंतने फेकला भाला ; पाहा ‘हा’ भन्नाट व्हिडीओ 
• शिल्पा शेट्टी आणि तिच्या आईला अटक होण्याची शक्यता
• भारतीय संघाला पहिल्या टेस्टपासून मिळेल ‘हा’ फायदा : दिनेश कार्तिक
• पुन्हा मूक आंदोलनाची सुरुवात; मराठा समाजाच्या मागणीनंतर संभाजीराजेंची घोषणा