मी एसटी कंडक्टरचा मुलगा आहे- प्रविण दरेकर

पुणे : राज्यात एसटी कर्मचाऱ्यांच्या संपाचा आज 8वा दिवस आहे. अद्यापही एसटी कर्मचाऱ्यांच्या मागण्या पूर्ण होण्याची चिन्हे दिसत नाहीत. भाजपने एसटी कर्मचाऱ्यांना जाहीर पाठिंबा दिला आहे. विरोधी पक्षनेते प्रविण दरेकर, भाजपचे आमदार गोपीचंद पडळकर आणि आमदार सदाभाऊ खोत यांनी या कर्मचाऱ्यांच्या आंदोलनामध्ये सहभाग घेतला आहे. यावेळी प्रविण दरेकरांनी महाविकास आघाडीवर ताशेरे ओढले आहेत.

मी एसटी कंडक्टरचा मुलगा आहे. त्यामुळे मला एसटी कामगारांच्या व्यथा माहित आहेत. तुटपुंजा पगार, अपुऱ्या सोयी-सुविधा यामुळे आर्थिक विवंचनेमुळे एसटी कर्मचारी दबला गेला आहे, असे मत विधान परिषदेचे विरोधी पक्षनेते प्रविण दरेकर यांनी व्यक्त केले आहे. प्रविण दरेकर यांनी तळेगाव दाभाडे येथे एसटी कर्मचाऱ्यांच्या आंदोलनाला शनिवारी भेट देऊन दरेकर यांनी आंदोलनाला पाठिंबा दिला. तळेगाव दाभाडे शहर भाजपच्या वतीने प्रविण दरेकर यांचे स्वागत करण्यात आले.

एसटी कर्मचाऱ्यांच्या आंदोलनाला भारतीय जनता पक्षाचा पाठिंबा व्यक्त करत आपल्या नगर दौऱ्यादरम्यान दरेकर यांनी सर्व आंदोलन स्थळी भेट दिली. तळेगाव दाभाडे एसटी डेपो येथे बोलताना प्रविण दरेकर यांनी एसटीचे विलिनीकरण करावे आणि एसटी कर्मचाऱ्यांची ससेहोलपट थांबवावी असे सांगितले. मी सुद्धा एसटी कंडक्टरचा मुलगा असल्याने एसटी कामगारांच्या व्यथा मला माहित आहेत. तुटपुंजा पगार, अपुऱ्या सोयी सुविधा यामुळे आर्थिक विवंचनेमुळे एसटी कर्मचारी दबला गेला आहे. महाराष्ट्र सरकारने आंदोलन दाबण्यापेक्षा एसटी कर्मचाऱ्यांच्या समस्या सोडवाव्यात, असेही प्रविण दरेकर म्हणाले आहेत.

महत्वाच्या बातम्या

• राज कुंद्रा-शिल्पाच्या अडचणीत वाढ; व्यावसायिकाने केला फसवणुकीचा गुन्हा दाखल
• ‘काँग्रेसला बदनाम करण्याची सुपारी आमच्याच मित्रपक्षाने घेतली आहे’
• राज्य सरकार रझा अकादमीवर का कारवाई करत नाही?; किरीट सोमय्या
• तुम्ही देशाची रक्षा करण्यास असमर्थ; राहुल गांधींचा पंतप्रधान मोदींवर निशाणा
• हिंसेचा मार्ग सोडा, नक्षलवाद्यांनो विकासाच्या मुख्य प्रवाहात या- एकनाथ शिंदे