कसे बसे दोन दिवस बसले तिसऱ्या दिवशी माजलगावात पुन्हा केली गर्दी

बीड: जिल्ह्यात कोरोना रुग्णांची संख्या वाढत असल्यामुळे शहरात तसेच जिल्ह्यात शनिवार व रविवार संपूर्ण लॉकडाऊन करण्यात आले आहे. मात्र हे दोन दिवस होताच सोमवारी पुन्हा गर्दी दिसून आली. माजलगाव येथील मोंढ्यात वाहनांनी रस्ते जाम झाले होते. तसेच लसीकरण केंद्रांवर देखील लोकांची गर्दी दिसून आली. या झालेल्या गर्दीत फिजिकल डिस्टन्सिंगच्या नियमाला तिलांजली मिळत असल्याचे दिसले.

मागील दोन दिवसांपासून माजलगाव शहर हे काही अपवाद वगळता कडकडीत बंद होते. शासनाच्या ‘ब्रेक द चेन’ला खरच नागरिक प्रतिसाद देत आहेत, असे वाटू लागले होते. पण दोनच दिवस कसा बसा नागरिक तग धरून बसले होते, तिसऱ्या दिवशी पुन्हा जैसे थे. येथील मोंढा भागात सोमवारी दिसून आलेली गर्दी पाहता खरच कोरोना आहे काय ? असा प्रश्न मनात निर्माण होत होता.

सोमवारी झालेल्या या गर्दीत कुठेही सामाजिक अंतराच्या नियमांचे पालन होताना दिसत नव्हते तर मोंढ्याच्या असलेल्या सर्वच रस्त्यांवर वाहतूक कोंडी झाल्याने एकच गर्दी उसळली. दरम्यान येथील ग्रामीण रुग्णालयात लसीकरणासाठी देखील नागरिकांनी मोठ्या प्रमाणात गर्दी केली होती. या ठिकाणी तर सामाजिक अंतराचे नियम पायदळी तुडवल्याने तोबा गर्दी पाहावयास मिळाली. आरोग्य यंत्रणेला सहकार्य करण्याऐवजी वादच जास्त उपस्थित करताना नागरिक येथे दिसून येत होते.

महत्वाच्या बातम्या 

• जनावरांची चोरी करणाऱ्या टोळीचा प्रमुख स्थानिक गुन्हे शाखेच्या जाळ्यात
• कागदी घोडे नाचवणे बंद करा; बैठकीत आ. मेटेंचा बीड प्राशासानाला खोचक सल्ला !
• उस्मानाबादेत तब्बल १५ दिवसांनंतर घटली कोराेना मृत्यूची संख्या
• महाराष्ट्राच्या शेजारी असणाऱ्या आणखी एका राज्यात लॉकडाउनची घोषणा
• मोठी बातमी : राज्यातील लॉकडाऊन कधीपर्यंत वाढणार ?, राजेश टोपेंनी दिली महत्वाची माहिती