पुणे : राज्याचे माजी गृहमंत्री अनिल देशमुख यांच्या नागपूरमधील निवासस्थानी सक्तवसुली संचालनायलयाने (ईडी) छापा टाकला आहे. शुक्रवारी सकाळी ईडीने देशमुख यांच्या जीपीओ चौकातील निवासस्थानी तसंच त्यांच्या निकटवर्तीयांकडे छापे टाकले. त्यामुळे अनिल देशमुख यांच्या अडचणीत वाढ होण्याची दाट शक्यता आहे.
अनिल देशमुख यांच्या घरी ईडीकडून झडाझडती सुरू आहे. या तपासासाठी 6 ते 7 अधिकारी नागपुरातील देशमुखांच्या घरी पोहोचले आहेत. अनिल देशमुख यांच्या घराबाहेर बंदोबस्तासाठी सीआरपीएफचे जवान तैनात करण्यात आले आहेत. दरम्यान, झाडाझडती होताना अनिल देशमुख घरी नव्हते, तर त्यांची पत्नी आणि इतर कुटुंबीय उपस्थित होते.
आता अनिल देशमुख यांच्यावर ईडीकडून करण्यात येत असलेल्या या कारवाईवर राजकीय वर्तुळातून प्रतिक्रिया येण्यास सुरवात झाली आहे. राष्ट्रवादी कॉंग्रेसचे नेते आणि राज्याचे गृहमंत्री दिलीप वळसे-पाटील यांनी या कारवाईवर प्रतिक्रिया दिली आहे.
‘यासंदर्भात मी काही बोलण्याची गरज आहे, असं वाटत नाही. यंत्रणेचा तपास सुरू आहे आणि हे प्रकरण न्यायप्रविष्ट पण आहे. त्यामुळे या संदर्भात मी जास्त बोलणं उचित ठरणार नाही’. असं गृहमंत्री वळसे पाटील यावेळी प्रतिक्रिया देताना तसेच, मागील एक-दोन दिवसांत घडलेल्या सर्वच घडामोडी अतिशय विचित्र आहे, असंही त्यांनी सांगितलं.
महत्वाच्या बातम्या
- भाजीपाला खरेदीसाठी गेलेल्या महिलेसह वाहन चोरट्यांनी तिघांच्या दुचाकी लांबविल्या
- ‘या’ खेळाडुचा जीव रंगला दिशा पटानीत! तिच्यासोबत इंग्लंडमध्ये सुटी घालवण्याची इच्छा
- भाजपाचे नेते ओबीसींचा बुध्दीभेद करणारी विधाने करत आहेत – छगन भुजबळ
- आंबिल ओढा कारवाईनंतर अजित पवारांची पुण्यातील आढावा बैठकीला दांडी; चर्चांना उधाण
- व्यापाऱ्यांवरील ‘शास्ती’ करा विरोधात आमदार जैस्वाल यांचे नगरविकास मंत्र्यांना पत्र
