पुणे : पुण्यातील आंबिल ओढा परिसरात काल ( २४ जून ) सकाळी अतिक्रमण हटवण्याची कारवाईला सुरुवात करण्यात आली होती. या कारवाईदरम्यान स्थानिक आणि पोलिस प्रशासन आमने-सामने आले होते. या कारवाईला स्थानिकांनी विरोध केला होता. तसेच यावेळी आंदोलनादरम्यान आत्मदहनाचा प्रयत्न करण्यात आला. यावेळी स्थानिकांनी आक्रमक पवित्रा घेत मोठी गर्दी केली होती.
अखेर स्थानिकांच्या आक्रोशानंतर आणि पोलीस-स्थानिक यांच्या संघर्षानंतर न्यायालयाने या तोडकामास पुढील आदेशापर्यंत स्थगिती दिली आहे. तर, ऐन पावसाळ्यात घाईने करण्यात आलेल्या या कारवाईवर सर्वच पक्षीय नेत्यांनी नाराजी वर्तवली असतानाच ही कारवाई नेमकी कोणाच्या सांगण्यावरून झाली याबाबत अनेक चर्चा शहरात सुरु आहेत.
दरम्यान, दर शुक्रवारी पुणे जिल्ह्याच्या कोरोना स्थितीच्या आढाव्याची बैठीक कौन्सिल हॉल येथे उपमुख्यमंत्री आणि पालकमंत्री अजित पवार यांच्या अध्यक्षतेखाली पार पडत असते. मात्र, आज अजित पवार हे या बैठकीला गैरहजर होते. तर, गृहमंत्री दिलीप वळसे-पाटील यांच्या उपस्थितीत ही बैठक पार पडली आहे. सध्या अजित पवार यांच्या आजच्या गैरहजेरी नंतर अनेक तर्क वितर्क लावले जात आहेत.
पुण्यातील आंबिल ओढा प्रकरणातील विकासक अजित पवारांचा निकटवर्तीय असल्याच्या चर्चा सुरु आहेत. तर, दुसरीकडे भाजपच्या प्रदेश कार्यकारिणी बैठकीत अजित पवार यांच्या सीबीआय चौकशीचा ठराव मंजूर करण्यात आला आहे. यामुळे अजित पवार यांच्या अडचणी वाढण्याची शक्यता असतानाच त्यांची आजची गैरहजेरी चर्चेचा मुद्दा ठरली आहे.
महत्वाच्या बातम्या
- केंद्र सरकार आपल्या कर्तव्यात चुकल्यामुळेच ओबीसींचे राजकीय आरक्षण रद्द झाले – जयंत पाटील
- आणीबाणी : फक्त एका कुटुंबाच्या हिताचे रक्षण करण्यासाठी लोकशाहीचे वस्त्रहरण करण्यात आले
- सोन्याच्या दागीन्यांसह कपड्यावर मारला होता बुरखा गँगने डल्ला, सिटीचौक पोलिसांकडून तपासात उघड
- ‘काँग्रेसने आणीबाणीतून सर्वात मोठ्या लोकशाहीची हत्या केली’
- ‘मोठी गोष्ट सहज मिळत नाही’ ; पराभवानंतर शास्त्रींची पहिली प्रतिक्रिया
