‘हिंदुस्थानी भाऊ’ला मुंबई पोलिसांनी केली अटक

मुंबई : देशाविरोधात बोलणाऱ्या व्यक्तिची वेगळ्याच अंदाजात फिरकी घेणारा विकास पाठक म्हणजेच ‘हिंदुस्थानी भाऊ’ला मुंबई पोलिसांनी शनिवारी अटक केली आहे. नेहमीच सोशल मीडीयावरील पोस्टमुळे सतत चर्चेत असणाऱ्या ‘हिंदुस्थानी भाऊ’ला मुंबई पोलिसांनी शिवाजी पार्क येथे आंदोलन केल्याप्रकरणी अटक केली आहे.

इयत्ता १२वीच्या परिक्षा रद्द करण्यात याव्या. तसेच शालेय फी माफ करण्यात यावी या मागण्यासाठी ‘हिंदुस्थानी भाऊ’ मुंबईत शिवाजी पार्क येथे आंदोलन करत होता. देशाविरोधात बोलणाऱ्यांची विकास पाठक हा वेगळ्या अंदाजात समाचार घेतो. त्याच्या प्रक्षोभक पोस्टमुळे इन्स्टाग्रामने त्याचे खाते निलंबीत केले होते. विकास पाठकने बिग बॉस या रियालिटी शोमध्येही सहभाग घेतला होता. सोशल मीडीयावर देशातील आणि जगाच्या पाठीवर घडणाऱ्या वेगवेगळ्या घटनांबद्दाल तो त्याचे मत मांडत असतो.

‘हिंदुस्थानी भाऊ’ विकास पाठकचे टिकटॉक या सोशल मीडीयावर ६ लाख तर युट्युबवर १० लाखापेक्षा जास्त फॉलोअर आहेत. विकास पाठक हा मुळचा मुंबईकर आहे. त्याला लाडाने बबलु म्हणतात. त्याच्या कुटुंबात आई-वडिल, पत्नि आणि मुलगा आहेत. पुलवामा हल्यानंतर देशाच्या विरोधात बोलणाऱ्यांना त्याने धडा शिकवण्यासाठी एक व्हिडीओ बनवला होता. हा व्हिडीओ प्रचंड व्हायरल झाला आणि त्याच नाव ‘हिंदुस्थानी भाऊ’ असे पडलं

महत्वाच्या बातम्या

• ‘बंगाल जिंकण्याच्या आग्रहामुळे देश उद्ध्वस्त’, ममतांचा मोदींवर हल्लाबोल
• ‘To all the आईs…Happy Mother’s Day’ ; व्हिडिओ शेअर करत मुंबई इंडियन्स दिल्या मातृदिनाच्या खास शुभेच्छा!
• मुख्यमंत्री पदाची माळ कोणाच्या गळ्यात? भाजपचं ठरलंय….
• कर्मवीर भाऊराव पाटील यांना मरणोत्तर भारतरत्न देण्याची राष्ट्रवादीची मागणी
• अभिनेता सुरज थापर आयसीयू मध्ये; ऑक्सिजन पातळी खालावली