मुंबई : माजी खासदार किरीट सोमय्या यांना कोल्हापूर दौऱ्यावर पोलिसांना बंदी घातली आहे. किरीट सोमय्या यांच्या कोल्हापूर दौऱ्याआधी अनेक नाट्यमय घडामोडी पाहायला मिळत आहेत. सोमय्या यांच्यावर आज दुपारी मुंबई पोलिसांनी स्थानबद्धतेची कारवाई केली होती. त्यानंतर सायंकाळी सहा वाजताच्या सुमारास सोमय्या यांना घराबाहेर जाऊ देण्यात आले आहे.
दरम्यान, सोमय्या हे गिरगाव चौपाटीवर दाखल झाले असून तिथे गणेश विसर्जनाला हजेरी लावून ते लगेचच महालक्ष्मी एक्स्प्रेसने कोल्हापूरसाठी रवाना होणार होते. परंतु सोमय्या यांना मुंबई पोलिसांनी सीएसएमटीवर अडवले होते. सोमय्या महालक्ष्मी एक्स्प्रेसने कोल्हापूरकडे जाण्यावर ठाम होते.
कोणत्याही पोलीसांना व त्यांच्या बळाला न घाबरता सोमय्या अखेर ८ वाजून १४ मिनिटांनी महालक्ष्मी एक्स्प्रेसमध्ये बसले. आणि आता महालक्ष्मी एक्सप्रेसने किरीट सोमय्या कोल्हापूरला रवाना झाले आहेत. तर दुसरीकडे दूरध्वनीच्या माध्यमातून विधानसभेचे विरोधी पक्षनेते देवेंद्र फडणवीस आणि विधान परिषदेचे विरोधी पक्षनेते प्रविण दरेकर यांच्यात चर्चा सुरु आहे. दरम्यान, सोमय्या यांना कोल्हापूर जिल्ह्यात प्रवेश करण्यास मनाई करणारा आदेश जारी करण्यात आलेला असल्याने संघर्षाचा पुढचा अंक कोल्हापुरात रंगण्याची चिन्हे आहेत.
महत्त्वाच्या बातम्या
- ‘ठाकरे सरकारच्या ठोकशाहीचा कळस; सोमय्या बोलायला लागल्यावर एवढी का भिती वाटते?’
- पुणेकरांना बाप्पा पावला; गणेशोत्सवाच्या दहा दिवसांत कोरोनामध्ये वाढ नाही – मुरलीधर मोहोळ
- अफगाणिस्तानमध्ये भारतीय गुंतवणूक सुरु राहणार?; गडकरींनी दिले उत्तर
- काँग्रेसचे धक्कातंत्र; चरणजीत सिंग चन्नी होणार पंजाबच्या मुख्यमंत्रीपदी विराजमान
- ‘लगे रहो किरीटजी, इनकी बजाते रहो’; नितेश राणे यांचे खोचक ट्विट
बातम्यांसाठी YouTube चॅनेल Subscribe करा
Subscribe Now
