विवाहितेस घराबाहेर हाकलणाऱ्या पतीची हर्सुल कारागृहात रवानगी

औरंंगाबाद : आंतरधर्मीय प्रेम विवाहानंतर गर्भपात न केल्याच्या कारणावरुन पतीने शिवीगाळ, मारहाण करुन पत्नीला घराबाहेर हाकलून लावल्या प्रकरणात आशिष भारत गोरे (वय ३४, रा. शिवाजीनगर, सह्याद्री हिल्स कॉम्प्लेक्स) याला वेदांतनगर पोलिसांनी शुक्रवारी रात्री अटक केली असून त्याला हर्सुल कारागृहात न्यायालयीन कोठडीत ठेवण्याचे आदेश प्रथम वर्ग न्यायदंडाधिकारी रुहिना अंजूम यांनी शनिवारी (दि.२२) दिले.

पदमपुरा भागातील एका ३० वर्षीय पीडीतेचे आशिष गोरे याच्यासोबत सन २००७ पासून आंतरधर्मीय प्रेमसंबंध होते. त्यावेळी आशिष हा पीडीतेला तुझ्यासोबतच लग्न करीन असे म्हणत शारिरिक संबंध ठेवत होता. त्यातून तिला गर्भधारणा झाली. मात्र, आशिषने तिला गोळ्या देऊन गर्भपात केला. असा प्रकार दोनवेळा झाल्यानंतर पीडीतेने पोलिसात तक्रार देण्याची धमकी दिली.

त्यामुळे घाबरुन गेलेल्या आशिषने नोंदणी पध्दतीने पीडीतेशी सन २०१८ मध्ये विवाह केला. आता तुझ्याशी लग्न केले आहे. तुला पोलिसात तक्रार देता येणार नाही, तेव्हा तू गर्भपात कर असे म्हणत आशिषने तिला नांदविण्याचे आमिष दाखवले. पण पीडीतेला त्याच्या घरी नेले नाही. तसेच शिवीगाळ, मारहाण करुन नांदविण्यास नकार दिला. त्यावरुन पीडीतेने गुरुवारी रात्री वेदांतनगर पोलीस ठाणे गाठत तक्रार दिलेल्या तक्रारीवरुन गुन्हा दाखल करण्यात आला.

महत्वाच्या बातम्या

• वाढदिवशी तेजस्विनीनं केली नव्या वाटचालीची सुरुवात ; केली मोठी घोषणा
• ‘आज बाळासाहेब असते, तर कोकणची दुर्दशा पाहून…’; भाजपचं पुन्हा एकदा टीकास्त्र
• वरुडी येथे भरधाव जीप घुसली थेट पोलिसांच्या चेकपोस्टमध्ये; ३ पोलीस जखमी
• मलायका सोबतच्या अफेयरवर अर्जून कपुरने पहिल्यांदाच सोडले मौन, म्हणाला…
• तिसऱ्या लाटेत लहान मुलांना कोरोनाचा धोका; मुख्यमंत्र्यांनी दिला डॉक्टरांना ‘हा’ खास सल्ला