अहमदाबाद : गुजरातच्या बहुचर्चित गोध्रा कांडमधील प्रमुख आरोपीला तब्बल 19 वर्षांनी अटक करण्यात आली आहे. पंचमहल जिल्ह्यातील गोध्रा स्टेशनवर साबरमती एक्सप्रेस ट्रेनच्या एका डब्ब्याला आग लावण्यात आली होती. यातील मुख्य आरोपी रफीक हुसैन भटुकला गोधरा शहरातून अटक करण्यात आली आहे. ही घटना 19 वर्षांपूर्वी घडली होती, ज्यात 59 कारसेवकांचा मृत्यू झाला होता. मुख्य आरोपीला अटक झाल्याची माहिती सोमवारी देण्यात आली.
पंचमहल जिल्ह्याच्या पोलीस अधीक्षक लीना पाटील यांनी दिलेल्या माहितीनुसार, रफीक हुसैन भटुक हा संपूर्ण घटनेच्या मुख्य सूत्रधारांपैकी एक आहे. अलीकडेच त्याचे कुटुंबीय स्थलांतरीत झाल्याची माहिती मिळाली होती. आपल्या कुटुंबीयांना भेटण्यासाठी भटुक गोध्रा येथे आला असताना, त्याला सापळा रचून अटक करण्यात आली
गेल्या १९ वर्षांपासून तो फरार होता. एका गुप्त सूचनेनंतर पोलिसांनी सापळा रचून गोध्रा स्थानकाजवळील एका घरातून भटुक याला अटक केली, असे पाटील यांनी सांगितले.
भटुक हा कट रचण्यात, जमावाला भडकवून दंगल घडविणाऱ्या आरोपींपैकी मुख्य आरोपी आहे. रेल्वेचा डबा पेटवण्यासाठी पेट्रोलची व्यवस्था देखील त्याने केली होती.तपासादरम्यान नाव समोर आल्यानंतर तो दिल्लीला पळून गेला. त्याच्यावर खून आणि दंगली यासह इतर आरोप आहेत.
महत्वाच्या बातम्या
- उद्योजक अविनाश भोसले यांना उच्च न्यायालयाचा दिलासा, तूर्तास अटक नाही
- आता पदव्यूत्तर विभागाचे अभ्यासक्रम एकसमान राहणार
- गणेश जंयतीच्या शुभमुहूर्तावर बाप्पा सुवर्ण सिंहासनावर आरुढ
- पोलिसांचा नाकर्तेपणा की मंत्र्यांना मुभा, कोरोनाचे नियम फक्त शिवजयंतीलाच का?
- देशभक्त आणि देशद्रोही मधील फरक मोदींना समजत नाही : प्रियांका गांधी
