अहमदनगर: उपसरपंचाच्या जाचाला कंटाळून अहमदनगर जिल्ह्यातील श्रीगोंदा तालुक्यात ही घटना घडली आहे. श्रीगोंदा तालुक्यातील खांडगाव – वडघुल या गट ग्रामपंचायतीच्या ग्रामसेवक झुंबर मुरलीधर गवांदे यांनी आत्महत्या केली आहे.
झुंबर मुरलीधर गवांदे यांनी सौताडा धबधब्यावरुन उडी घेऊन 24 सप्टेंबर रोजी आत्महत्या केली होती. या प्रकरणी आता धक्कादायक माहिती समोर आली आहे. ज्या ठिकाणी ग्रामसेवक झुंबर मुरलीधर गवांदे यांनी आत्महत्या केली होती त्या धबधब्यावरील घटनास्थळी गवांदे यांची बॅग, आयकार्ड, मोटरसायकल मिळाली होती मात्र आठ दिवसांपासून मृतदेहाचा शोध सुरू होता.
दरम्यान खांडगाव – वडघुलचे उपसरपंच राम घोडके यांच्या त्रासाला कंटाळून गवांदे यांनी आत्महत्या केल्याचा आरोप केला जात आहे. या प्रकरणातील उपसरपंच राम घोडके आणि ग्रामसेवक झुंबर गवांदे यांच्यातील संभाषण संभाषणाच्या रेकॉर्डिंग व्हायरल झाली आहे. यामध्ये गावातील फॉरेस्ट हद्दीत असलेल्या दिडशे घरांची नियमबाह्य नोंद करण्यासाठी घोडके ग्रामसेवक झुंबर यांच्यावर दबाव टाकत होते. तर गवांदे यांच्या विरोधात घोडके यांनी वरिष्ठांकडे तक्रार केली होती. तक्रर मागे घ्यायची असेल तर ही कामे करा असे संभाषण आहे. त्यामुळे या घटनेने नगर जिल्ह्यात खळबळ माजली आहे.
महत्वाच्या बातम्या
- सहकारी चळवळीसाठी अमित शहांचे योगदान चांगलं राहील- शरद पवार
- कथित ऑडिओ क्लिपमध्ये रामदास कदमांना फोनवर बोलणारे प्रसाद कर्वे आहेत तरी कोण?
- फडणवीसांना शिवसेना नेता भेटला, अन् देगलूर पोटनिवडणुकीसाठी भाजपचा उमेदवार ठरला!
- ‘कानून वापसी नहीं तो घर वापसी नही’, कृषी कायद्यावरून टिकैत यांचा केंद्राला इशारा
- ‘तो माझा आवाज नाही, व्हायरल ऑडिओ क्लिपची चौकशी करा’, प्रसाद कर्वेंची मागणी
बातम्यांसाठी YouTube चॅनेल Subscribe करा
Subscribe Now
