मुंबई : सध्या राज्यात आरोग्य विभागातील क आणि ड वर्गाच्या पेपरफुटीचे प्रकरण चर्चेत आहे. यावरुन राज्याच्या राजकारणात मोठे वादंग सुरु आहे. पेपरफुटी प्रकरणात खात्याच्या काही अधिकाऱ्यांचाच हात असल्याचे उघड होऊ लागल्याने या परीक्षेतील गोंधळाची थेट जबाबदारी आता आरोग्य मंत्री राजेश टोपे यांच्यावर आली आहे. आरोग्य खात्यातील परीक्षेचा पेपर फुटल्याने भाजपचे आमदार गोपीचंद पडळकर यांनी राज्य सरकारला धारेवर धरले आहे. या पेपर फुटी प्रकरणाची तातडीने न्यायालयीन चौकशी करा. सोबतच आरोग्य मंत्री राजेश टोपे यांचीही चौकशी करा, अशी मागणी गोपीचंद पडळकर यांनी केली आहे.
आरोग्य विभागातील घोटाळ्याला आघाडी सरकारचेच अभय होते का? असा प्रश्न उपस्थित होतो आहे. या गंभीर घोटाळ्याची आरोग्य मंत्र्यांसहीत न्यायालयीन चौकशी झालीच पाहिजे आणि राज्य सरकारने जर याबाबत टाळाटाळ केली तर आम्हीच हा घोटाळा सीबीआयकडे घेऊन जाऊ, असा इशारा गोपीचंद पडळकर यांनी राज्य सरकारला दिला आहे.
आरोग्य विभागातील घोटाळ्याला आघाडी सरकारचंच अभय होतं का?असा प्रश्न उपस्थित होतोय.या गंभीर घोटाळ्याची #आरोग्य_मंत्र्यांसहीत न्यायालयीन चौकशी झालीच पाहिजे आणि राज्य सरकारने जर याबाबत टाळाटाळ केली तर आम्हीच हा घोटाळा #CBI कडे घेऊन जाऊ.@rajeshtope11 @MahaHealthIEC @BJP4Maharashtra pic.twitter.com/lUeCKraMXF
— Gopichand Padalkar (@GopichandP_MLA) December 10, 2021
आरोग्यमंत्र्यांचे हे कारनामे आरोग्य विभागाच्या पदभरती घोटाळ्यामुळं पुराव्यानिशी सिद्ध झाले आहेत. हे सरकार आता अधिकृतरित्या वसुली सरकार म्हणून मान्यता प्राप्त झालेलं आहे. होतकरू विद्यार्थ्यांचा, उमेदवारांचा गळा आवळणाऱ्या घोटाळ्याचे धागे-दोरे थेट मंत्रालयापर्यंत पोहचलेले आहेत आणि या पेपर फुटीच्या लिंक आरोग्यमंत्र्यांच्या जिल्ह्यापर्यंत पोहचल्या आहेत. म्हणजे या सगळ्या घोटाळेबाजीला राज्य सरकारचेच अभय होते का? असा सवाल उपस्थित होतोय, असंही गोपीचंद पडळकर यांनी सांगितले आहे.
महत्वाच्या बातम्या
- “नवाबजी, ‘त्या’ शब्दाचा अर्थ तुम्ही राऊतांना विचारायला हवा होता”
- आपण काय बोलतो याचं जरा भान ठेवलं पाहिजे; अजित पवारांचा आशिष शेलारांना टोला
- आरोग्य विभागाच्या पेपरफूटीवर अजित पवार म्हणतात, त्याच्यावर…
- चक्क सलमान खानच्या बहिणीने केले कतरिनाच्या लग्नाचे फोटो शेअर
- भाजपने ठाकरे सरकारमधील ‘या’ मंत्र्याच्या राजीनाम्याची केली मागणी
