🕒 1 min read
पुणे : पुणे- सातारा महामार्गावर आज एक भीषण घटना घडली आहे. पुण्यातील कात्रज बोगद्याच्या बाहेर आल्यानंतर शिंदेवाडीच्या हद्दीत एका ट्रॅव्हलर मिनीबसने अचानक पेट घेतला. या पेटलेल्या बसमध्ये १५ प्रवासी होते. आग लागलेल्या बसमधून ताबडतोब सर्व प्रवासी बाहेर निघाल्याने कोणतीही जीवीत हानी झाली नाही. सुदैवाने सर्व प्रवासी सुखरुप आहेत. मात्र या आगीत बस जळून खाक झाली.
ही मिनीबस पुणे सातारा महामार्गावरुन सव्वा सहाच्या सुमारास पुण्याकडून साताऱ्याच्या दिशेने निघाली होती. कात्रज बोगद्यातून बस पुढे आल्यानंतर अचानक इंजिनमध्ये बिघाड होऊन शॉर्टसर्किट झाले आणि गाडीने पेट घेतला. अचानक गाडीने पेट घेतल्याचे चालकाच्या लक्षात आले आणि चालकाने प्रसंगावधान राखत गाडी बाजूला घेतली.
चालकाच्या प्रसंगावधानामुळे सर्व प्रवासी बसमधून सुखरुप बाहेर पडले. त्या ठिकाणी असलेले वेल्हे तालुक्यातील भाऊ दसवडकर व बाळासाहेब माने या दोघांनी प्रवाशांना दिलासा दिला व चालकास शांत केले. ‘माझे मरण पाहिले म्या डोळा’ अशी भावना या संकटातून बचावलेल्या प्रवाशांनी व्यक्त केली होती. दरम्यान या ठिकाणी अग्निशमन दलाची वाहने आली आणि त्यांनी आग विझविण्यास सुरुवात केली.
महत्त्वाच्या बातम्या
- ‘अर्थ राज्यमंत्री म्हणून डॉ. बाबासाहेब आंबेडकर विद्यापीठासाठी भरीव निधी देईल’, भागवत कराडांची ग्वाही
- चालत्या एसटी महामंडळाच्या बसची दगड मारून काच फोडली
- अफगाणिस्तानातून परतलेल्या १४६ भारतीयांपैकी दोघांना कोरोनाची लागण
- डॉ. बाबासाहेब आंबेडकरांनीच स्वतंत्र विदर्भ राज्यासाठी आग्रह धरला होता, वंचित आघाडीची भूमीका
- एल्गार परिषदेसह भीमा कोरेगाव हिंसाचार; शहरी नक्षलवाद प्रकरणी आरोप निश्चिती प्रक्रियेला सुरुवात
