मुंबई : जम्मू-काश्मीरमध्ये पुन्हा एकदा काश्मिरी पंडितांवर हल्ला करण्यात आला आहे. दक्षिण काश्मीरमधील शोपियानमध्ये दहशतवाद्यांनी दोन काश्मिरी पंडित बांधवांना आधी त्यांची नावे विचारली. त्यानंतर अंदाधुंद गोळ्या झाडण्यात आल्या. या गोळीबारात सुनील कुमार भट्ट यांचा मृत्यू झाला. तर त्याचा भाऊ गंभीर जखमी आहे. त्यांना उपचारासाठी रुग्णालयात दाखल करण्यात आले आहे. सफरचंदाच्या बागेत काश्मिरी पंडित बांधवांवर दहशतवाद्यांनी गोळीबार केला आहे. या पार्श्वभूमीवर शिवसेना नेत्या दीपाली सय्यद यांनी काश्मिरी पंडीतांना शस्त्र परवाने देण्याची मागणी केली आहे.
दीपाली सय्यद यांचे ट्वीट-
दीपाली सय्यद म्हणाल्या, “काश्मिरी पंडीतांवर वर्षानुवर्षे होणाऱ्या हल्ल्यांना लक्षात घेता केंद्र सरकारने त्यांना स्वरक्षणा करीता शस्त्र परवाने देऊन, सेल्फ डिफेन्सच्या ट्रेनिंगची सोय तातडीने करावी.”
काश्मिरी पंडीतांवर वर्षानुवर्षे होणार्या हल्ल्यांना लक्षात घेता केंद्र सरकारने त्यांना स्वरक्षणा करीता शस्त्र परवाने देऊन, सेल्फ डिफेन्सच्या ट्रेनिंगची सोय तातडीने करावी. @narendramodi
— Deepali Sayed (@deepalisayed) August 17, 2022
काश्मिरी पंडित खोऱ्यात असुरक्षित –
दरम्यान या प्रकरणावर खळबळ माजली आहे. विरोधक केंद्र सरकारवर टीका करत आहेत. शोपियान हल्ल्याबाबत एआयएमआयएमचे प्रमुख असदुद्दीन ओवेसी म्हणाले की, मनोज सिन्हा हे जम्मू-काश्मीरमध्ये पूर्णपणे अपयशी ठरले आहेत. सुरक्षेचे कारण देत कलम ३७० हटवण्यात आल्याचे त्यांनी सांगितले. पण काश्मिरी पंडित खोऱ्यात असुरक्षित आहेत.
अनुपम खेर यांनी व्यक्त केला संताप –
अनुपम खेर यांचा ‘द कश्मीर फाइल्स’ हा चित्रपट काश्मिरी पंडितांच्या जीवनाशी अगदी जवळचा आहे. चित्रपटात त्यांची व्यक्तिरेखा काश्मिरी पंडित म्हणून दाखवण्यात आली होती. काश्मिरी पंडिताच्या हत्येचे वृत्त समोर आल्यानंतर अनुपम खेर यांनी संताप व्यक्त केला आहे.
अनुपम खेर म्हणाले, काश्मिरी पंडितांवर अजूनही अत्याचार होत आहेत ही लाजिरवाणी गोष्ट आहे. ते भारताचे समर्थन करणाऱ्यांना मारत आहेत. तसेच गेल्या 30 वर्षांपासून असे होत असल्याचे अनुपम खेर यांनी सांगितले.
महत्वाच्या बातम्या :
- Amol Mitkari । मोहित कंबोज ईडीचा चौकीदार आहे का? त्याचीच आधी चौकशी करा; अमोल मिटकरी आक्रमक
- Mohit Kamboj । मलिक आणि देशमुखांनंतर राष्ट्रवादीचा आणखी एक बडा नेता जेलमध्ये जाणार?; कंबोज यांचं सूचक ट्विट
- Shivsena । खातेवाटपानंतर चंद्रकांत पाटील आणि मुनगंटीवार यांची अवस्था केविलवाणी झालीय; शिवसेनेची खोचक टीका
- Shivsena । शिंदे गटाचे अस्वल झाले व दरवेशी श्री. फडणवीस महोदय आहेत; शिवसेनेचा शिंदे गटावर हल्लाबोल
- Vinayak Mete | मेटेंच्या जाण्याने चळवळीतील एक लढाऊ नेतृत्व गेलं – हर्षवर्धन पाटील
बातम्यांसाठी YouTube चॅनेल Subscribe करा
Subscribe Now
