भरधाव पेट्रोलटँकरच्या धडकेत बालिकेचा मृत्यू

औरंंगाबाद : भरधाव पेट्रोलच्या टँकरने दिलेल्या धडकेत दुचाकीवरील चौघे जखमी झाले. तर चिमुकलीचा उपचारादरम्यान घाटीत मृत्यू झाला. हा अपघात गुरुवारी (दि.३) सकाळी साडेआठच्या सुमारास मुंबई महामार्गावरील खवड्या डोंगराजवळ झाला. यात आम्रपाली दिलीप सिरसाठ (वय ८, रा. खवडा डोंगर, तीसगाव) हिचा मृत्यू झाला. तर मजूर दिलीप मोहन सिरसाठ (३०), त्यांची पत्नी जयश्री मुलगा सिध्दार्थ आणि मेव्हणीची मुलगी डॉली भोसले असे जखमी झाले.

एमआयडीसी वाळुज भागातील जोगेश्वरी येथून तीसगावकडे दिलीप सिरसाठ हे दोन मुले, पत्नी व मेव्हणीची मुलगी यांना दुचाकीवर (एमएच-२०-बीडी-६४६७) बसवून जात होते. सिरसाठ यांची दुचाकी मुंबई महामार्गावरील खवड्या डोंगरजवळ आलेली असताना पाठीमागून आलेल्या भरधाव टँकर (एमच-२२-एए-३३४४) चालकाने धडक दिली. या अपघातात सिरसाठ यांच्या हातापायाला व तोंडाला जबर दुखापत झाली.

तर मुलगा सिध्दार्थ याच्या गुडघ्याला मार लागला. तसेच मुलगी आम्रपाली हिच्या डोक्याला व पायाला मार लागून ती बेशुध्द झाली. तिच्यासह सिरसाठ आणि सिध्दार्थ यांना तात्काळ १०८ रुग्णवाहिकेने घाटीत दाखल करण्यात आले. मात्र, दुपारी पावणेएकच्या सुमारास आम्रपालीचा उपचारादरम्यान मृत्यू झाला. त्यावरुन टँकर चालकाविरुध्द एमआयडीसी वाळुज पोलीस ठाण्यात गुन्हा दाखल करण्यात आला आहे.

महत्वाच्या बातम्या

• मिल्खा सिंग यांची तब्येत पुन्हा खालावली ; ICU मध्ये दाखल
• ‘गोपीचंद पडळकर भाजपचे बुजगावणं, त्यांच्याकडे महाविकासआघाडीच्या नेत्यांनी लक्ष देऊ नये’
• २०२४ मध्ये काँग्रेस स्वबळावर सत्तेत येईल असं काम करा; पटोलेंनी पुन्हा ठोकला ‘स्वबळाचा’ शड्डू
• शतक कॉनवेचे; चर्चा मात्र दादाची! जाणून घ्या काय आहे कारण..
• ‘मला घाई होती, त्यामुळे पत्रकार परिषदेत ‘तत्वतः’ मान्यता हा शब्द राहिला’; वडेट्टीवारांच अजब स्पष्टीकरण