अवैधरित्या कारमधुन देशी दारूची वाहतूक करणारा गजाआड, तीन लाखांचा मुद्देमाल जप्त

औरंंगाबाद : अवैधरित्?या देशी दारुची वाहतूक करणा-या एकाला राज्य उत्पादन शुल्कच्या भरारी पथकाने मंगळवारी रात्री अटक केली. संतोष दगडुबा जुंबड (वय ३१, रा. वाघ्रुळ, डोंगरगाव ता. बदनापुर जि. जालना) असे अटकेत असलेल्या दारूची वाहतूक करणा-याचे नाव असून राज्य उत्पादन शुल्क विभागाच्या पथकाने त्याच्या ताब्यातून १ लाख ८०० रूपये किंमतीची दारू आणि एक कार असा एकूण ३ लाख ८०० रूपये किंमतीचा मुद्देमाल जप्त केला आहे.

राज्य उत्पादन शुल्क विभागातील भरारी पथकाचे शेख निसार शेख सरदार हे १८ मे रोजी सायंकाळी पथकातील सहकार्यांसह गस्तीवर असतांना बीड बायपास रोडवरील एमआयटी कॉलेज समोर कार क्रमांक (एमएच-२०-ईजी-३८७५) अडवली. राज्य उत्पादन शुल्क विभागाच्या पथकाने संतोष जुंबड याला ताब्यात घेत कारची झडती घेतली असता त्यामध्ये १ लाख ८०० रूपये किंमतीचे देशी दारूचे बॉक्स मिळून आले.

याप्रकरणी सातारा पोलिस ठाण्यात संतोष जुंबड विरूध्द गुन्हा दाखल करण्यात आला आहे. दरम्यान, अटकेत असलेल्या संतोष जुंबड याला न्यायालयासमोर हजर केले असता प्रथम वर्ग न्यायदंडाधिकारी पी.एच.जोशी यांनी गुरूवारपर्यंत गुरुवारपर्यंत पोलीस कोठडीत ठेवण्याचे आदेश दिले आहेत.

महत्वाच्या बातम्या

• ‘महाराज, मोदींना आग्रा दरबारातील शिवशक्तीचा प्रत्यय पुन्हा दाखवण्याची वेळ आलीये!’
• ‘मोदी कशाचीही जबाबदारी घेत नाहीत’, भाजप खासदाराचा घरचा आहेर
• मोठी बातमी! केंद्राकडून ‘म्युकरमायकोसिस’चा साथरोग कायद्यात समावेश, नवीन नियम लागू
• ‘मुख्यमंत्री ठाकरेंचा दौरा म्हणजे लिपस्टिक दौरा’, नितेश राणेंची टीका
• ‘आम्हाला बोलू दिले नाही तर मग बोलवलं कशाला?’, ममता पंतप्रधान मोदींवर भडकल्या