घाटीत निवासी महिला डॉक्टरला मारहाण करणारा गजाआड

🕒 1 min read

औरंंगाबाद : माझ्या मित्रावर आणि त्याच्या नातेवाईकावर योग्यप्रकारे उपचार का करीत नाही असे म्हणत एका मद्यपीने घाटीतील निवासी महिला डॉक्टरला शिवीगाळ करून मारहाण केल्याची घटना २५ एप्रिल रोजी रात्री ९ वाजेच्या सुमारास घाटी दवाखाना परिसरातील वॉर्ड क्रमांक १० जवळ घडली. याप्रकरणी गुन्हा दाखल झाल्यावर पोलिसांनी विल्सन विल्यम्स रेड्डी (रा.सिडको एन-६, परिसर) याला अटक केली.

घाटी रूग्णालयातील निवासी महिला डॉक्टर रचना रमन ह्या रविवारी रात्री ९ वाजेच्या सुमारास आपल्या सहकार्यांसोबत ड्युटीवर जात होते. त्यावेळी वॉर्ड क्रमांक १० समोर विल्सन रेड्डी याने डॉ.रचना रमन व सोबतच्या सहकार्यांना अडवून तुम्ही माझा मित्र प्रतिक आणि त्याच्या नातेवाईकावर योग्य प्रकारे का उपचार करीत नाही असे म्हणून वाद घालण्यास सुरूवात करून धक्काबुक्की करण्यास सुरूवात केली.

यावेळी विल्सन रेड्डी याने मार्ड संघटनेचे अध्यक्ष डॉ.आबासाहेब तिडके, डॉ.आमेर तडवी, डॉ.मनोज, डॉ.संकेत मगर यांना देखील शिवीगाळ करून धक्काबुक्की केली. हा प्रकार लक्षात आल्यावर घाटीतील महाराष्ट्र सुरक्षा बलाचे सुरक्षारक्षक गौरव साळुंखे यांनी आपल्या सहकार्यांसह घटनास्थळी धाव घेवून विल्सन रेड्डी याला ताब्यात घेतले. गौरव साळुंके यांनी दिलेल्या तक्रारीवरून मारहाण करणाNया विल्सन रेड्डी याच्याविरूध्द बेगमपुरा पोलिस ठाण्यात गुन्हा दाखल करण्यात आला असून पुढील तपास उपनिरीक्षक बहुरे करीत आहेत. दरम्यान, पोलिसांच्या ताब्यात असलेल्या विल्सन रेड्डी याला न्यायालयासमोर हजर केले असता प्रथमवर्ग न्यायदंडाधिकारी एच.एस.पुराडउपाध्ये यांनी २९ एप्रिलपर्यंत पोलिस कोठडीत ठेवण्याचे आदेश दिले.

महत्वाच्या बातम्या

• राहुल गांधींसह सोनिया गांधींबाबत आक्षेपार्ह जाहिरात; काँग्रेसचं कंपनीविरोधात खळ्ळ-खट्याक !
• आधी रक्तदान करा आणि त्यानंतरच कोरोना प्रतिबंधात्मक लस घ्या – विजय वडेट्टीवार
• बीड जिल्हाबंदी; नाकाबंदीवर पोलिसांसोबत शिक्षक देखील तैनात
• राज्यभर आरोग्य सुविधांचा बोजवारा, आरोग्यमंत्री फक्त तोंडपाटीलकीत बिझी
• प्रवासी संख्या कमी असल्याने काही रेल्वे केल्या रद्द