मराठी खासदारांसाठी हक्काचे स्थान म्हणजे गडकरींचे निवासस्थान – विनायक राऊत

🕒 1 min read

दिल्ली : शिवसेनेचे खासदार विनायक राऊत यांनी केंद्रीय मंत्री नितीन गडकरी यांची त्यांच्या दिल्लीतील निवासस्थानी जाऊन भेट घेतली. मुंबई – गोवा महामार्गाचे काम रखडले आहे त्यामुळे नागरिकांना प्रवास करतांना त्रास सहन करावा लागतो त्यामुळे ते काम लवकरात लवकर पूर्ण करावे अशी विनंती करण्यासाठी राऊत हे गडकरींना भेटण्यास गेले होते असे सांगण्यात येत आहे.

कोकणातील संगमेश्वर-लांजा या रस्त्याचे काम खोळंबले आहे. त्यामुळे या कामाकरिता चांगले कंत्राटदार नेमावे आणि काम लवकर पूर्ण करावे अशी विनंती विनायक राऊत यांनी केली. ‘मराठी खासदारांसाठी हक्काचे स्थान म्हणजे गडकरींचे निवासस्थान’ असे विनायक राऊत माध्यमांशी बोलताना म्हणाले. दरम्यान, राऊत आणि गडकरी यांच्यात या वेळी या विषयाच्या व्यतिरिक्त देखील अनेक विषयावर चर्चा झाली असे सूत्रांनी सांगितले.

विशेष म्हणजे भाजपच्या दिग्गज नेत्या पंकजा मुंडे यांनी सुद्धा गडकरींची आज भेट घेतली. या भेटी वेळी पंकजा मुंडे आणि त्यांच्या भगिनी खासदार प्रीतम मुंडे या देखील उपस्थित होत्या त्यानंतर राऊत आणि मुंडे भगिनींनी गडकरीची भेट घेतल्याने अनेक जणांच्या भुवया उंचावल्या. बीड मधील विकास कामा संदर्भात गडकरीना भेटले तसेच नितीन गडकरी यांनी विकास कामासाठी भरभरून मदत केल्याने पंकजा यांनी गडकरींचे आभार देखील मानले. यावेळी त्यांच्या  सोबत बीडच्या खासदार प्रीतम मुंडे आणि आमदार माधुरी मिसाळ हे पण उपस्थित होते.

महत्त्वाच्या बातम्या

• ‘चंद्रकांत पाटील कर्तबगार, निष्कलंक, छळकपट, विश्वासघात न करणारे नेते’; भाजप नेत्याचे स्तुतीसुमने
• ‘मराठवाड्याने कोकणातील १६८ टीएमसी पाणी विसरावे, याकरिता जयंत पाटलांकडून १९ टीएमसीचे गाजर’
• ‘लोकांना सिनेमा आणि नाट्यगृहापर्यंत पुन्हा कसे आणायचे हे मोठे आव्हान’, संजय राऊतांनी व्यक्त केली चिंता
• राज्यातील उपाहारगृह, रेस्टॉरंट आता रात्री 12 वाजेपर्यंत खुली राहू शकणार
• अतिवृष्टीबाधित शेतकऱ्यांना तुटपुंजी मदत केलेल्या जीआरची रयतने केली होळी