औरंगाबाद : पोलिसांना थाप मारून फरार झालेल्या कैद्याने आईला फोन केला आणि पोलिसांना कैद्याला अटक केलीये. अमर भाऊसाहेब गायकवाड असे या २१ वर्षीय कैद्याचे नाव आहे. हात दुखत असल्याची थाप मारून एका हातातील हातकडी दुसऱ्या हातात घालत असताना अमर पोलिसाला धक्का देऊन पळाला होता. मात्र, २४ तासांच्या आत मुकुंदवाडी पोलिसांनी त्याला मनमाडहून ताब्यात घेतले आहे.
बुधवारी दुपारी अमरने पोलिसांना थाप मारून पोलिस व्हॅनमधून पळ काढला होता. गुरुवारी दुपारी तो रेल्वेने मनमाडकडे निघाला. दरम्यान, त्याने एका प्रवाशाच्या मोबाइलवरून आईला फोन केला. मात्र, त्याचवेळी अमरच्या आई पोलिस ठाण्यातच बसलेलेल्या होत्या. पोलिसांनी तात्काळ मनमाड रेल्वे पोलिसांना याबाबत माहिती दिली. अमर रेल्वेतून उतरताच मनमाड रेल्वे पोलिसांनी त्याला ताब्यात घेतले.
अमरची बहीण मनमाडला राहते. तो तिच्याकडे जाणार होता. ही माहिती समजल्यानंतर पोलिस निरीक्षक सुधाकर बावकर, उपनिरीक्षक अमोल म्हस्के, पोलिस नाईक बाबासाहेब कांबळे, विलास मुठे, संतोष भानुसे, श्याम आढे आणि सोमकांत भालेराव यांचे पथक मनमाडला रवाना झाले. त्यानंतर या पथकाने अमर गायकवाडा रेल्वे पोलिसांकडून ताब्यात घेतले.
महत्वाच्या बातम्या
- सिनेस्टाईल खूनाचा उलगडा; दारू पाजली, गळा आवळला, पेट्रोल टाकून गाडी दरीत लोटली
- जालनेकरांची खड्डेमय रस्त्यातून होणार सुटका; आमदार कैलास गोरंट्याल यांच्या प्रयत्नांना यश
- “वाल्मीची पुनर्रचना करून व्यवस्थापन जलसंपदा विभागाकडे द्यावे”
- खिशातील बिड्यांच्या ‘क्लू’मुळे पोलिसांना सापडला मारेकरी
- जालन्यातील सिडकोचे प्रकल्प रद्द करू नये; आमदार अंबादास दानवेंची मुख्यमंत्र्यांकडे मागणी
