औरंंगाबाद : पैसे देवाण-घेवाणीच्या वादातून एका महिलेसह चार जणांनी विजय संजय गवई (वय २८,रा.प्रकाशनगर,मुकुंदवाडी) या युवकाचे आपहरण केले. ही घटना २६ जून रोजी सकाळी साडेनऊ वाजेच्या सुमारास घडली.
विजय गवई आणि आरोपी महिलेमध्ये गेल्या काही दिवसापासून पैसे देवाण-घेवाणीच्या कारणावरून वाद सुरू होता. या वादातूनच आरोपी महिलेने आपल्या तीन साथीदारांच्या मदतीने विजय गवई याचे मुकुंदवाडी परिसरातून अपहरण केले. सायंकाळी उशिरापर्यंत विजय गवई घरी न परतल्याने विजय गवई याच्या आईने दिलेल्या तक्रारीवरून त्याचे अपहरण करणाऱ्या महिलेसह चार जणांविरूध्द मुकुंदवाडी पोलिस ठाण्यात गुन्हा दाखल करण्यात आला आहे.
पोलिसांनी या प्रकरणात लक्ष घालत महिलेसह चार जणांना पकडण्यासाठी तपासाची चक्रे फिरविण्यास सुरुवात केली असून विजयला सुखरूप आणण्यासाठी पोलीस योजना अखत असल्याची माहिती पोलीस सूत्रांनी दिली. या प्रकरणी मुकुंदवाडी पोलीस तपास करीत आहे.
महत्वाच्या बातम्या
- ‘विजय वडेट्टीवार यांना दुसऱ्या किंवा तिसऱ्या क्रमांकाचं खातं द्यायला हवं होतं, मात्र…’
- पुण्यात उद्यापासून नियम आणखी कडक; जाणून घ्या आज किती रुग्ण संख्या
- औरंगाबादकरांसाठी आनंदाची बातमी; कोरोना रुग्ण संख्येत कमालीची घट
- ‘तो वाघ आमच्या इशाऱ्यावर चालतो’; विजय वडेट्टीवारांचा शिवसेनेला अप्रत्यक्ष टोला
- ‘सत्तेचा माज किती असू शकतो त्याचे हे जिवंत उदाहरण’; भातखळकरांचा संताप
