चंद्रपूर : चंद्रपूर जिल्ह्यातील कोरोना रुग्ण संख्येत झपाट्याने वाढ होत आहे. त्यातच जिल्ह्यात रेमडेसिविर इंजेक्शनचा पुरेसा साठा उपलब्ध होत नाही. त्यामुळे कोरोना रुग्णांच्या नातेवाईकांना इंजेक्शनसाठी भटकंती करावी लागत आहे. त्याविरोधात माजी केंद्रीय मंत्री हंसराज अहीर यांनी जिल्हाधिकारी कार्यालयासमोर एक तास धरणे देत निषेध व्यक्त केला.
जिल्ह्यात कोरोना रुग्णांना आरोग्य सुविधा मिळत नाही. त्यातच रेमडेसिविर इंजेक्शनची देखील कमतरता भासत आहे. अशा परिस्थितीत रुग्णांचे हाल होत आहे. याकडे जिल्हा प्रशासन आणि राज्य सरकार दोघांचेही लक्ष वेधण्याचा प्रयत्न अहीर यांनी केला आहे. त्यांच्या विविध मागण्यांचे फलक देखील या वेळी लावण्यात आले होते. माजी केंद्रीय मंत्र्यांनी अशा प्रकारे आंदोलन करण्याची बहुतेक ही पहिलीच वेळ असावी.
#चंद्रपुर (महाराष्ट्र) जिले में कोरोना संक्रमीतो की चिकित्सा व्यवस्था में सुधार तथा रेमडीसीवीर की उपलब्धता को लेकर जिलाधिकारी कार्यालय के सामने एक घंटे के लिए अकेले धरणा दिया। pic.twitter.com/Kd9LOSoSbB
— Hansraj Ahir (@ahir_hansraj) April 16, 2021
या आधी देखील माजी मंत्री आणि भाजप नेते सुधीर मुनगंटीवार यांनी प्रशासनाच्या विरोधात आंदोलनाचा इशारा दिला होता. चंद्रपूर जिल्ह्यात रुग्णांना रेमडेसिविर इंजेक्शन मिळण्यात मोठ्या प्रमाणात अडचणी येत असल्याचा आरोप त्यांनीही केला होता. कोरोना रुग्णांसाठी आवश्यक असलेल्या या इंजेक्शनचा अतिरीक्त साठा मागवण्याची मागणी देखील या वेळी अहीर यांनी केली आहे.
महत्त्वाच्या बातम्या :
- तुळजापुरातील पुजाऱ्यांच्या मदतीसाठी माजी मंत्र्याचा आग्रह
- लेटरवॉर! धनंजय मुंडेंनी आव्हान दिले पंतप्रधानांना लिहा पत्र, पंकजांनी पाठवले मुख्यमंत्र्यांना
- ‘भाऊ, ‘तो’ हक्क फक्त तुम्हालाच आहे!’, पंकजांचा धनंजय मुंडेंवर पलटवार
- संजय राऊतांचे ‘ते’ वक्तव्य कंपाउंडरने घेतले मनावर, डॉक्टर बनून केले कोरोना रुग्णांवर उपचार
- ‘महाराष्ट्र देशा’चा इम्पॅक्ट! बातमी प्रकाशित होताच बीडच्या खा.प्रितम मुंडेनी घेतला कोरोनाचा आढावा
