उद्धव ठाकरे मुख्यमंत्री असल्याचा विनायक राऊतांना विसर; अशोक चव्हाणांना म्हणाले ‘मुख्यमंत्री’

🕒 1 min read

सिंधुदुर्ग : शिवसेना पक्षप्रमुख हे महाराष्ट्राचे मुख्यमंत्री उद्धव ठाकरे असल्याचा विसर खुद्द शिवसेना खासदार विनायक राऊत यांनाच पडला आहे. शिवसेना सचिव आणि सिंधुदुर्ग-रत्नागिरीचे खासदार विनायक राऊत यांनी महाराष्ट्राचे मुख्यमंत्री म्हणून काँग्रेसचे नेते आणि बांधकाम मंत्री अशोक चव्हाण अशोक चव्हाण यांचं नाव घेतलं. सोशल मीडियावर राऊतांचा हा व्हिडीओ जोरदार व्हायरल होत आहे.

‘या रस्त्यांसंदर्भात आम्ही महाराष्ट्राचे मुख्यमंत्री अशोक चव्हाण यांच्याकडे बाजू मांडलेली आहे. त्यांनीही तत्वत: मंजूरी दिलेली आहे आणि म्हणूनच आम्ही या ठिकाणी पाहणी करण्यासाठी आलेलो आहोत’, असं विनायक राऊत म्हणाले. माध्यमांशी बोलताना त्यांनी ओघात अशोक चव्हाण महाराष्ट्राचे मुख्यमंत्री असल्याचा उल्लेख केला. रस्ते विकासाच्या कामासंदर्भात त्यांनी पत्रकारांना माहिती देताना, राऊतांचा विसर सर्वांच्या लक्षात आला.

सध्या महाराष्ट्रामध्ये आघाडी सरकार आहे. इतिहासात पहिल्यांदाच शिवसेना, राष्ट्रवादी, काँग्रेस अशी आघाडी झाली आहे. या आघाडीतील प्रत्येक मंत्री आमदार खासदार हे एकमेकांवर संधी मिळेल तेव्हा कुरघोडी करण्याची संधी सोडत नाहीत. बऱ्याच वेळा बोलताना ओघामध्ये कुठल्या पक्षाचा कोणता मंत्री आहे, त्याकडे कोणते पद आहे, याचंही भान नेत्यांना राहत नाही.  सिंधुदुर्ग रत्नागिरी लोकसभा मतदार संघाचे खासदार तथा शिवसेना सचिव विनायक राऊत यांच्या बाबतीत असाच प्रकार घडला.

महत्वाच्या बातम्या

• मुंबईतील रेव्ह पार्टी प्रकरणी शाहरुख खानच्या मुलाची एनसीबीकडून चौकशी
• ‘धनंजय मुंडेंनी पंकजा यांच्याबद्दल ‘ते’ वक्तव्य करायला नको होते’, आ.सुरेश धसांची टीका
• फडणवीसांचा मराठवाडा दौरा अन् पंकजा मुंडेंची तब्येत बिघडली; राजकीय चर्चांना उधाण
• भाजप नेत्या पंकजा मुंडे यांची प्रकृती बिघडली, काही दिवस करणार आराम
• ‘जलसंपदाचे कुठलेली कार्यालय मराठवाड्यात जाणार नाही’, मंत्री जयंत पाटलांची स्पष्टोक्ती