Eknath Shinde | मुंबई : आज शिंदे सरकारची मंत्रिमंडळ बैठक पार पडली. या बैठकीनंतर मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी आज पत्रकार परिषद घेत मोठ्या घोषणा केल्या आहेत. सत्ता स्थापनेनंतर पहिल्यांदाच शिंदे सरकारची सर्वांत पहिली मोठी घोषणा म्हणजे राज्यात पेट्रोल 5 रुपयांनी तर डिझेल 3 रुपयांनी स्वस्त करण्यात आले आहे. सरकारने पेट्रोलवरील कर कमी करत सर्व सामान्यांना मोठा दिलासा दिला आहे. त्यांनतर दुसरी मोठी घोषणा म्हणजे आता नगराध्यक्ष, सरपंच थेट लोकांमधूनच निवडला जाणार आहे.
तर यानंतर पुढे कोल्हापूर, सातारा आणि सांगलीतील नियमित कर्जफेड करणाऱ्या शेतकऱ्यांसाठी मोठा निर्णय घेतला आहे. जे शेतकरी नियमित कर्जफेड करतात त्यांना 50 हजारांचे अनुदान देण्याचा निर्णय सरकारने घेतला होता. मात्र यातून कोल्हापूर सातारा सांगलीमधील शेतकऱ्यांना वगळण्यात आले आहे. मात्र आता या शेतकऱ्यांचा देखील अनुदान योजनेत समावेश करण्यात येणार आहे. पुढील कॅबिनेटमध्ये याबाबत निर्णय घेतला जाणार असल्याची माहिती मुख्यमंत्री एकनाथ शिंदे यांनी दिली आहे.
दरम्यान राज्यात “स्वच्छ महाराष्ट्र अभियान (नागरी) २.० अभियान” राबविण्यात येणार आहे. यासोबतच कोरोना प्रतीबांधक लस म्हणून राज्यातील १८ ते ५९ वयोगटातील नागरिकांना बुस्टर डोस मोफत देण्यात येणार आहे. त्यामुळे एक प्रकारे सर्वांना कोरोना प्रतीबंधक लस मिळावी हा हेतू साकार होईल. सध्या राज्यात कोरोना रुग्ण संख्येचा आकडा कमी असून बुस्टर डोस घेणाऱ्यांचे प्रमाणही अधिक असल्याचे दिसून येते.
महत्वाच्या बातम्या :
- chitra wagh : “जे अडीच वर्षात घडत नव्हते ते आता…”, शिंदे सरकारच्या ‘त्या’ घोषणेनंतर चित्रा वाघ यांची प्रतिक्रिया
- Meera Bhayander : शिवसेनेला मोठा धक्का; मीरा भाईंदरमधील १८ नगरसेवक शिंदे गटात जाणार !
- Viral video | नाग व मुंगूसाच्या लढाईचा थरार कॅमेऱ्यात कैद
- Maharashtra Cabinet Expansion | गृह, अर्थ महत्त्वाची खाती भाजप ठेवणार? शिंदे गटात असंतोष
- Rohit Pawar : “राज्यात ओला दुष्काळ सदृश परिस्थिती”, रोहित पवारांची मुख्यमंत्र्यांकडे ‘ही’ मागणी
बातम्यांसाठी YouTube चॅनेल Subscribe करा
Subscribe Now
