मुंबई : अनेक कलाकारांनी बॉलिवूडमध्ये येण्याआधी प्रवासासाठी मुंबई लोकलने प्रवास करून आपल्या करियरला सुरवात केली आहे. एवढंच नाही तर वेळेची बचत म्हणून अनेकदा सेलिब्रेटी आजही लोकल ट्रेनमधून प्रवास करताना दिसतात.
अनेकदा त्यांचे व्हिडीओ आणि फोटो देखील व्हायरल होताना दिसतात. आताही असंच काहीसं घडलं आहे. नुकताच एका प्रसिद्ध अभिनेत्याचा व्हिडीओ सोशल मीडियावर व्हायरल झाला आहे. ज्यात तो लोकलमधून प्रवास करताना दिसतोय मात्र या प्रवासात त्याला कोणीही ओळखलेलं नाही.
सोशल मीडियावर व्हायरल झालेल्या या व्हिडीओमध्ये हा अभिनेता मास्क आणि गॉगल लावून स्टेशनवर येताना दिसत आहे. एवढंच नाही तर लोकल ट्रेनमधून प्रवासही करताना दिसतोय. मात्र या प्रवासात त्याला कोणीही ओळखलेलं नाही. त्याचा हा व्हिडीओ व्हायरल झाल्यानंतर त्याची बरीच चर्चा होताना दिसतेय आणि हा अभिनेता दुसरा तिसरा कोणी नसून नवाझुद्दीन सिद्दीकी आहे.
नवाझुद्दी सिद्दीकी त्याच्या आगामी चित्रपटाचं शूटिंग मीरा रोड येथे करत होता. मात्र त्यानंतर त्याला लगेचच आणखी एका इव्हेंटसाठी जायचं होतं. त्यामुळे त्या ठिकाणी वेळेत पोहोचण्यासाठी त्यानं आपली लग्झरी कार सोडून मुंबई लोकलनं प्रवास केला. त्याच्या या प्रवासाचा व्हिडीओ सध्या सोशल मीडियावर बराच व्हायरल होताना दिसत आहे.
महत्वाच्या बातम्या :
