पुणे : गेल्या वर्षी मार्चमध्ये पुण्यात पहिल्या कोरोनाबाधित रुग्णाची नोंद करण्यात आली होती. यानंतर, शहरासह जिल्ह्यात कोरोना रुग्णांमध्ये झपाट्याने वाढ झाली होती. गेल्या वर्षाच्या अखेरीस पुण्यातील दैनंदिन जनजीवन सुरळीत होत असतानाच या वर्षी पुन्हा एकदा कोरोना संसर्गाने पुण्यासह राज्यात हाहाकार माजवला आहे.
एप्रिल महिन्यात दररोज पाच ते सहा हजारांहून अधिक नव्या रुग्णांची नोंद करण्यात येत होती. मात्र, आता शहरातील कडक निर्बंधांचा सकारात्मक परिणाम दिसून येत आहे. कोरोनामुक्तांचा आकडा हा नव्या रुग्णांपेक्षा अधिक असल्यामुळे आरोग्य व्यवस्थेवरील ताण कमी होत असल्याचे चित्र पाहायला मिळत आहे.
पुणे शहरात आज सलग दुसऱ्या दिवशी नव्या कोरोना बाधितांचा आकडा हा १ हजाराच्या आत म्हणजेच तीन अंकी आहे. यासोबतच, ऍक्टिव रुग्णांचा आकडा देखील १५ हजारांच्या खाली आला आहे. पुणे शहरात आज नव्याने ९७३ कोरोनाबाधित रुग्णांची नोंद करण्यात आली असून २ हजार ४९६ रुग्णांनी कोरोनावर मात केली आहे.
तर, ४१ नागरिकांचा कोरोनाने दुर्दैवी मृत्यू झाला आहे. दरम्यान, शहरात सध्या उपचार घेणाऱ्या रुग्णांची संख्या (ऍक्टिव्ह रुग्ण) १३ हजार ४७९ इतकी आहे. यापैकी १,३१५ रुग्ण गंभीर तर ४,२७९ रुग्ण ऑक्सिजनद्वारे उपचार घेत आहेत.
महत्वाच्या बातम्या
- १ जूननंतर राज्यातील लॉकडाऊन वाढणार ? अजित पवार म्हणाले…
- ‘पवारांना त्या उपसमितीचे प्रमुख करणं म्हणजे मेंढरांनी लांडग्याकडून संरक्षणाची अपेक्षा करण्यासारखं’
- संभाजीराजेंचा असा अवतार मी पाहिला नाही, मोदींनी भेट न दिल्यामुळेच त्यांचा संताप – मुश्रीफ
- अतुल भातखळकरांना लाज वाटली पाहिजे; हसन मुश्रीफांनी झापलं !
- राज ठाकरेंचा मुख्यमंत्र्यांना एक फोन आणि राज्यात चित्रीकरणाला तत्त्वत: मान्यता जाहीर
बातम्यांसाठी YouTube चॅनेल Subscribe करा
Subscribe Now
