‘या’ खेळाडूने केलेल्या आरोपांच्या चौकशीसाठी त्रिसदस्यीय समिती स्थापन

नवी दिल्ली: भारताची आघाडीची टेबल टेनिसपटू मनिका बत्राने राष्ट्रीय प्रशिक्षकांवर सामना निश्चिती करण्याची सूचना दिल्याचा आरोप केला होता. या प्रकरणी चौकशी करण्यासाठी दिल्ली उच्च न्यायालयाने त्रिसदस्यीय समिती स्थापन केली आहे.

भारतीय टेबल टेनिस महासंघाने निवड प्रक्रिया पारदर्शक पद्धतीने पार पाडावी, असे न्यायमूर्ती रेखा पल्ली यांनी सुनावणीत म्हटले आहे.मनिका बत्राने आंतरराष्ट्रीय स्पर्धेच्या निवडीसाठी राष्ट्रीय प्रशिक्षण शिबिरात अनिवार्य हजेरीच्या महासंघाच्या नियमाबाबत आव्हान देणारी याचिका केली होती. तसेच मनिकाने राष्ट्रीय प्रशिक्षक सौम्यदीप रॉय यांच्यावर सामनानिश्चितीसाठी दडपण टाकल्याचाही आरोप केला होता.

दरम्यान टेबल टेनिस महासंघावर प्रशासकाची नियुक्ती करण्यात यावी, अशी मागणीही तिने केली आहे. तसेच हायकोर्टाने नेमलेल्या समितीमध्ये दोन न्यायाधीश आणि एका खेळाडूचा समावेश आहे. या समितीला चार आठवडय़ात अहवाल देण्याचे निर्देश देण्यात आले आहेत. तर आशियाई टेबल टेनिस अजिंक्यपद स्पर्धेसाठी मनिकाला भारतीय संघातून वगळण्यात आले आहे.

महत्वाच्या बातम्या

• इंडोनेशिया मास्टर्स बॅडमिंटन स्पर्धा: श्रीकांत, प्रणॉय विजयी
• वानखेडेप्रकरणी नवाब मलिक यांचा उच्च न्यायालयात अर्ज दाखल
• ‘त्याला माझ्या कमतरता माहीत आहेत’, रोहितने केले न्यूझीलंडच्या ‘या’ खेळाडूचे कौतुक
• क्रांती रेडकरने शेअर केले समीर वानखेडेंचे जन्म प्रमाणपत्र
• राज्याने कर कपात करून जनतेला दिलासा द्यावा; नाना पटोलेंचा सल्ला