ड्यू प्लेसिसनं दुखापतीनंतर दिली अपडेट, म्हणाला…

मुंबई : आयपीएल स्पर्धा कोरोनाच्या संसर्गामुळे स्थगित करण्यात आली. यानंतर या स्पर्धेतील अनेक विदेशी खेळाडू हे मायदेशी परतले. तर काही खेळाडु हे अबुधाबी येथे पाकिस्तान प्रिमीअर लीग स्पर्धेत सहभागी झाले आहेत. कोरोनाच्या प्रादुर्भावामुळे ही स्पर्धाही काही काळासाठी स्थगित करण्यात आली होती.

या स्पर्धेत अबुधाबी येथे शेख झायेद आंतरराष्ट्रीय मैदानावर ढाका ग्लॅडिएटर्स विरुद्ध पेशावर झाल्मी या संघादरम्यान एक सामना सुरु होता. या सामन्यात दक्षिण अफ्रिकेचा फाफ डुप्लेसीस हा ढाका संघाकडुन खेळत होता. या सामन्यादरम्यान त्याला गंभीर दुखापत झाली होती.

ढाका संघाचे क्षेत्ररक्षण सुरु असताना सातव्या षटकात त्याला ही दुखापत झाली. या सामन्यात लॉंग ऑफच्या दिशेने मारलेला चेंडु अडवताना डुप्लेसीसने सुर मारत चेंडु अडवण्याचा प्रयत्न केला. मात्र त्याचवेळी समोरुन येत असलेला सहकाही खेळाडु मोहम्मद हसनेनच्या गुडघ्यावर त्याचे डोके आदळले. या घटनेनंतर सामना काही काळ थांबवण्यात आला. नंतर डु प्लेसिसला पुढील उपचारासाठी दवाखान्यात दाखल करण्यात आले.

Thank you everyone for all the messages of support. I'm back at the hotel recovering. Have concussion with some memory loss but I will be fine. Hopefully be back on the field soon. Much love. ❤️

— Faf Du Plessis (@faf1307) June 13, 2021

ड्यू प्लेसिसने ट्विट करत त्याच्या तब्येतीचं अपडेट दिलं आहे. त्याने सर्व प्रथम सर्वांना त्यांनी दिलेल्या शुभेच्छांबद्दल आभार मानले आहेत. आता हॉस्पिटलमधून डिस्चार्ज मिळाला असून टीमच्या हॉटेलमध्ये परतल्याचं त्यानं स्पष्ट केलं आहे. दुखापत झाल्यामुळे काही काळ ‘मेमरी लॉस’ झाला होता. आता आपण पूर्ण ठीक असून पीएसएलमधील उर्वरित मॅचमध्ये खेळणार असल्याचं त्याने यावेळी स्पष्ट केले आहे.

महत्वाच्या बातम्या

• दिग्गज धावपटू मिल्खा सिंग यांच्या पत्नीचे करोनामुळे निधन
• डुप्लेसीसच्या गंभीर दुखापतीनंतर पत्नीची भावुक करणारी पोस्ट
• डब्ल्युडब्ल्युईचा ‘जॉन’ निघाला ‘विराट’चा फॅन ; शेअर केला फोटो
• ‘…तर इंग्लंड बॅटिंगसाठी चांगली जागा आहे’ ; अजिंक्य रहाणेने दिल्या बॅट्समनना टिप्स
• औरंगाबादेत आता ‘या’ खड्डेमय रस्त्यांचे भाग्य उजळणार, मनपाकडून डांबरीकरणाची तयारी सुरु!