आठवलेंचा एक आमदार-खासदार तरी आहे का? त्यामुळे त्यांना कोणी गांभीर्याने घेत नाही !

मुंबई : अभिनेत्री कंगना रानौत आणि शिवसेना वादात रिपब्लिकन पक्षाचे राष्ट्रीय अध्यक्ष आणि केंद्रीय सामाजिक न्याय राज्यमंत्री रामदास आठवले यांनी देखील उडी घेतल्याचे दिसून आले होते. कंगनाच्या कार्यालयावर तोडकाम केल्यानंतर रामदास आठवले यांनी तिची भेट घेऊन अन्यायाविरुद्ध तिचे समर्थन केले होते.

आता, अभिनेत्री पायल घोषने दिग्दर्शक अनुराग कश्यपच्या विरोधात गैरकृत्याची तक्रार दाखल केल्यानंतर तिच्या समर्थनार्थ काल भेट घेऊन रिपब्लिक पक्षसोबत असल्याचे सांगितले होते. मुंबई पोलिसांनी अद्याप अनुराग कश्यप यांची चौकशी केली नाही. येत्या सात दिवसांत मुंबई पोलिसांनी अनुराग कश्यप यांच्यावर कोणती कारवाई केली नाहीतर मुंबईत रिपब्लिकन पक्षातर्फे तीव्र आंदोलन छेडण्यात येईल असा ईशारा देखील रामदास आठवले यांनी दिला आहे.

याविषयी राष्ट्रवादी काँग्रेसचे सर्वेसर्वा शरद पवार यांना काही पत्रकारांनी प्रश्न केला असता, “त्यांचा एक आमदार तरी आहे का? एक खासदार तरी आहे का? ते बोलत असतात, मार्गदर्शन करत असतात त्याच कोणी गांभीर्याने घेत नाही. सभागृहातही नाही आणि बाहेरही नाही” अशी बोचरी टीका त्यांनी रामदास आठवलेंवर केली आहे.

अभिनेत्री पायल घोषसह रामदास आठवले राज्यपालांच्या भेटीला!

आज रामदास आठवले यांनी अभिनेत्री पायल घोषसह राज्यपाल भगतसिंह कोश्यारी यांची भेट घेतली आहे.रामदास आठवले, पायल घोष आणि भगतसिंह कोश्यारी यांनी जवळपास अर्धा पाऊण तास चर्चा केली. यावेळी रामदास आठवले यांनी पायल घोषला सुरक्षा देण्यात यावी, अशी मागणी राज्यपालांकडे केली. त्यावर राज्यपालांनी मी याबाबत गृहमंत्र्यांशी बोलतो, असं सांगितलं आहे.

“राज्यपालांशी आम्ही जवळपास अर्धा तास चर्चा केली. पायल घोष यांच्यावर काही वर्षांपूर्वी अत्याचार झाला होता. त्याबाबत तिने ओशिवरा पोलिसात तक्रारही दाखल केली आहे. मात्र, अद्याप अनुराग कश्यपची चौकशी झाली नाही. त्यामुळे मी यासंदर्भात राज्यपालांना निवेदन दिले आहे,” असे रामदास आठवले यांनी सांगितले. तर, “तू माझ्या मुलीसारखी आहेस, तू घाबरु नको, तुला पूर्ण सुरक्षा मिळेल,” असे आश्वासनही राज्यपाल भगतसिंह कोश्यारी यांनी पायलला दिले.

महत्वाच्या बातम्या :-

• ‘तू माझ्या मुलीसारखी आहेस, तू घाबरु नको’ ; राज्यपाल भगतसिंह कोश्यारींचे पायल घोषला आश्वासन
• शेतकऱ्यांच्या हितासाठी वाशीममध्ये मनसेने केले घंटानाद 
• चौकशी सुरु असलेल्या शिक्षकांना आदर्श शिक्षक पुरस्कार ?, जिल्हा परिषदेच्या अध्यक्षांची मागणी 
• शेवगाव येथे मनसेकडून रस्त्यावरील खड्ड्यांमध्ये वृक्षारोपण!
• भाजपच्या आमदारांचे ‘क्राइम फ्री सिटी’चे स्वप्न पूर्ण होणार का ? असा असेल नागपूरच्या विकासाचा आराखडा