मुंबई : अर्थमंत्री अजित पवार यांनी महाराष्ट्र अर्थसंकल्प २०२१-२२ आज विधानसभेत सादर केला. यावेळी त्यांनी मोठ-मोठ्या घोषणा केल्या. महाविकास आघाडी सरकार सत्तेत आल्यानंतर हा सरकारचा दुसरा अर्थसंकल्प आहे. कोरोना काळात राज्यातील अर्थव्यवस्थेला मोठा फटका बसला आहे. पण जनतेला काय दिलासा मिळणार याकडे सर्वांचे लक्ष लागले होते. जगभरात सुरु असलेल्या कोरोनाच्या संकटामुळं अर्थव्यवस्था मोडकळीस आली आहे. देशात आणि त्यातही महाराष्ट्रात कोरोनाचा सर्वाधिक फटका बसला आहे.
महाविकास आघाडीचा दुसरा अर्थसंकल्प अर्थमंत्री अजित पवार आज दुपारी २ वाजता विधानसभेत सादर केला. या अर्थसंकल्पात पेट्रोल आणि डिझेलवरील कर काही प्रमाणात तरी कमी होण्याची शक्यता होती. राज्यातील जनतेला सरकार दिलासा देऊन पेट्रोल-डिझेल दरात सवलत मिळण्याची शक्यता सामान्य नागरिकातून होत होती. परंतु सामान्य नागरिकांची घोर निराशा झाली असल्याचे चित्र सध्या पाहायला मिळत आहे.
सध्या राज्यात पेट्रोल आणि डिझेलवर व्हॅट आणि सेस आकारला जातो. पेट्रोलवर २५ टक्के व्हॅट आणि १०.२० रुपये प्रति लिटर सेस आकारला जातो. तर डिझेलवर २१ टक्के व्हॅट आणि ३ रुपये प्रति लिटर सेस आकारला जातो. राज्य सरकारकडून आकारण्यात येणाऱ्या सेसमध्ये दुष्काळ सेसचाही समावेश आहे. महिला दिनी हा अर्थसंकल्प सादर होत असल्याने महिलांसाठी विशेष घोषणा झाल्या पण इंधनावरील कराकडे मात्र अर्थसंकल्पात दुर्लक्ष केले गेले आहे.
महत्त्वाच्या बातम्या :
- विधानसभा आणि लोकसभेत महिलांना 33 टक्के आरक्षण मिळाले पाहिजे; आठवले घेणार मोदींची भेट
- #Maharashtrabudget2021: यंदाच्या अर्थसंकल्पातून पुण्याला काय मिळाले?
- मुकेश अंबानींच्या घराबाहेरील स्फोटकांच्या संदर्भातील केसचा तपास NIA करणार
- जाणून घ्या राज्यात 20 हजार छोट्या सभा, बैठका घेण्यामागे नेमका भाजपचा उद्देश काय ?
- कोणतेही रडगाणे न गाता जिद्दीने महाराष्ट्र थांबला नाही, थांबणारही नाही; मुख्यमंत्री खुश
