बीड : गेवराई शहरापासून जवळच असलेल्या दोन वेगवेगळ्या भागात चोरट्यांनी शनिवारी भरदिवसा दोन व्यापाऱ्यांना १५ लाखांना लुटल्याचा प्रकार समोर आला आहे. याप्रकरणी गेवराई पोलीस ठाण्यात गुन्हा दाखल करण्यात आला आहे.
दैठण फाट्यावरून गेवराईकडे येत असताना सराफ व्यापारी चंद्रकांत उदावंत यांच्या बॅगमधील ५० ग्रॅम सोने चोरट्यांनी दुचाकीवरून येत बॅग हिसकावून घेत लुटले. यात ५ लाखांचा ऐवज होता. तर गेवराई शहरातील हॉटेल डिसेंटजवळ कापूस व्यापारी हरिभाऊ गुट्टे (रा.वैजापूर, जि.औरंगाबाद) यांच्याकडे कापसाची १० लाखांची रक्कम बॅगमध्ये होती.
ही रक्कम या चोरट्यांनी धूम स्टाइल चोरी करत लांबवल्याने खळबळ उडाली. दोन्ही घटना दुपारी १ ते २ वाजेदरम्यान घडल्या. भरदिवसा गेवराईत दोन व्यापाऱ्यांना १५ लाखांना लुटण्यात आल्याने व्यापाऱ्यांसह नागरिकांमध्ये भीतीचे वातावरण निर्माण झाले आहे.
महत्वाच्या बातम्या
- संजय राऊत यांच्या सूचक ट्विटने संजय राठोड यांच्या राजीनाम्यावर शिक्कामोर्तब ?
- कुंबळेंचा विक्रम मोडण्याची संधी ; अश्विन म्हणतो, “फार पुर्वीच रिकॉर्ड्सचा विचार करणं सोडलं”
- वेगवेगळ्या घटनेत मारहाण
- कंपनीतून केबल चोरणाऱ्या चौघांना पोलिस कोठडी
- धक्कादायक! न्यायालयात अर्ज देण्यासाठी आलेल्या व्यक्तिचा आत्महत्येचा प्रयत्न
