जालना : समाजहितासाठी धनगर आरक्षण हा श्रेयवादाचा मुद्दा नसून अस्तित्वाची लढाई आहे. ती लढाई समाजाच्या ताकदीवर जिंकणार असल्याचे दावा भारतीय जनता पक्षाचे आ.गोपीचंद पडळकर यांनी केला. धनगर समाजाला हक्काचे आरक्षण मिळावण्यासाठी विविध आंदोलनाद्वारे सरकारपर्यंत कागदोपत्री पाठपुरावा केला आहे. शिवाय धनगड ऐवजी धनगर ही जात अस्तित्वात असल्याचे निदर्शनास आणल्याचे ते म्हणाले.
जालना जिल्ह्यातील जाफराबाद येथे अहिल्यादेवी होळकर नगरमध्ये कार्यकर्ता संवाद कार्यक्रम पार पडला. यावेळी आ.गोपीचंद पडळकर यांनी मार्गदर्शन केले. ते म्हणाले, मेंढपाळांना मेंढराच्या पालन पोषण करताना अनेक अडचणींचा सामना करावा लागत आहे. अशावेळी मेंढपाळाचा प्रश्न मार्गी लावण्या बरोबरच प्रमुख व्यवसाय नजरेसमोर ठेवून मेंढपाळासाठी १० लाख कर्जाची तरतुद करण्यात आली आहे. समाजासाठी आरक्षण हा महत्वाचा मुद्दा असून त्यासंदर्भात केंद्र व राज्य सरकारमध्ये चर्चा सुरू आहे. धनगर समाजाच्या अडीअडचणी सोडविण्या बरोबरच आरक्षण मिळण्यासाठी सदैव पुढाकार घेणार असल्याचे पडळकर यांनी सांगितले.
कार्यक्रमाला धोंडु दिवटे, भाजप तालुकाध्यक्ष सुरेश दिवटे, जि.प.सदस्य संतोष लोखंडे, गोविंदराव पंडीत, शिवदासजी बीडकर, दिपक बोराडे, प.स.सभापती दगडुबा गोरे, जगन पंडीत, साहेबराव कानडजे, भाजपा शहराध्यक्ष निवृत्ती दिवटे, कैला दिवटे, विजय वैद्य आदी उपस्थित होते.
महत्वाच्या बातम्या
- गृहमंत्री देशमुख यांच्या हस्ते मोक्षदा पाटील यांचा गौरव
- ‘अण्णांची लोकशाहीवर दृढ श्रद्धा; त्यांनी दाखवलेल्या विश्वासाबद्दल अण्णांचा आभारी’
- ‘अण्णांची लोकशाहीवर दृढ श्रद्धा; त्यांनी दाखवलेल्या विश्वासाबद्दल अण्णांचा आभारी’
- ‘…तर खेळाडू मानसिकदृष्ट्या आजारी पडतील’ ; खेळाडूंबद्दल व्यक्ती केली चिंता!
- देवीचे तुळजापूर हादरले! नववीच्या विद्यार्थिनीला पळवून नेत सामूहिक अत्याचार
