🕒 1 min read
दिल्ली : तब्बल ३८ दिवस रखडलेला महाराष्ट्रातील शिंदे-फडणवीस सरकारचा मंत्रिमंडळ विस्तार अखेर झाला. पहिल्या टप्प्यातील या विस्तारात शिंदे गटाच्या ९ आणि भाजपच्या ९ आमदारांनी कॅबिनेट मंत्रिपदाची शपथ घेतली. यामध्ये ज्यांची नावं चर्चेत होती अशा अनेक आमदारांना संधी मिळालीच नाही. अपक्ष आमदारांचाही यात समावेश नव्हता. त्यामुळे अपक्ष आमदारांसह शिंदे गटातील आमदारांमध्येही नाराजी असल्याचं बोललं जात आहे. त्यातच काल शिंदे गटाचे आमदार संजय शिरसाट यांनी केलेलं ट्विट चर्चेत आहे. तर आज शिंदे गटाचे खासदार धैर्यशील माने यांनी देखील तशाच प्रकारचं वक्तव्य केलं आहे.
एका खाजगी वृत्तवाहिनीशी बोलताना धैर्यशील माने म्हणाले की, “आजही माझ्या हातावर शिवसेना प्रमुख उद्धव ठाकरे यांनी बांधलेलं शिवबंधन आहे. त्यामुळे मी कधीही उद्धव ठाकरे, आदित्य ठाकरे किंवा ठाकरे कुटुंबाच्या विरोधात चुकीचे वक्तव्य करणार नाही. त्यांच्यावर कोणतीही टीका करणार नाही. ठाकरे घराण्याबद्दल मला जो आदर होता तो पुढेही नेहमीच राहील. ठाकरे कुटुंबीयांबद्दल मला असलेला जिव्हाळा भविष्यातही कायम राहील. ठाकरे कुटुंबाला कोणाचीही दृष्ट लागू नये हीच आमची इच्छा असेल.”, तर ठाकरे कुटुंबाबद्दल हे वक्तव्य करत असताना धैर्यशील माने भावुक झाले होते. परंतु माने यांनी केलेलं वक्तव्य ऐकून अनेकांच्या भुवया उंचावल्या आहेत
पुढे बोलताना ते असेही म्हणाले, “2019 मध्ये जी आघाडी झाली होती ती मुळातच अनैसर्गिक होती. त्यामुळे आमचा विरोध हा महाविकास आघाडीला आहे. उद्धव ठाकरेंना नाही. आम्हा कोणालाही उद्धव ठाकरे यांना सोडायचं नव्हतं. त्यासाठीच आम्ही आमच्या समस्या त्यांना प्रत्यक्षात भेटून देखील सांगितल्या होत्या.”, असा खुलासाही त्यांनी यावेळी केला.
काय म्हणाले शिरसाट?
आमदार संजय शिरसाट यांनी शुक्रवारी रात्री उद्धव ठाकरेंचा एक जुना व्हिडिओ ट्वीट केला होता. यामध्ये ‘उद्धव ठाकरे’ यांचा महाराष्ट्राचे कुटुंबप्रमुख असा उल्लेख करण्यात आला होता. एवढेच नव्हे तर, शिरसाट यांनी ट्वीट सोबत विधानसभेतील उद्धव ठाकरेंचे एक भाषण देखील जोडले होते. मात्र, काही वेळाने त्यांनी हे ट्वीट डिलिट केले गेले. उद्धव ठाकरे यांच्या बाबतचे ट्वीट मोबाईलच्या तांत्रिक अडचणीमुळे झाले होते. चूक लक्षात येताच आम्ही ते ट्वीट डिलीट केले, असे संजय शिरसाट यांनी स्पष्ट केले.
महत्वाच्या बातम्या:
- Rohit Sharma | “जेव्हा तो हिरवीगार खेळपट्टी पाहतो तेव्हा तो जास्त बिर्याणी खातो” ; ‘त्या’ खेळाडूबाबत रोहित शर्माचे मोठे विधान
- Sanjay Shirsat | ‘त्या’ ट्वीटवर संजय शिरसाट यांचे स्पष्टीकरण! म्हणाले, “मला मंत्रिपदाबाबत…”
- Sanjay Shirsat | उद्धव ठाकरेंचा जुना व्हिडीओ ट्वीट करत संजय शिरसाट यांचा एकनाथ शिंदेंना इशारा!
- Salman Rushdie stabbed : लेखक सलमान रश्दी यांच्यावर भर कार्यक्रमात जिवघेणा चाकू हल्ला, हल्लेखोरांना अटक!
- Pankaja Munde to Akshay Kumar | पंकजा मुंडेंचे ‘ते’ एक ट्वीट अण् आला अक्षय कुमारचा रिप्लाय ! जाणून घ्या प्रकरण…
बातम्यांसाठी YouTube चॅनेल Subscribe करा
Subscribe Now
