ओबीसी आरक्षणाला धक्का लावला तर खबरदार, आम्ही कोणताही वाटेकरी स्वीकारणार नाही – फडणवीस

मुंबई : भाजपच्या ओबीसी कार्यकारिणीची बैठक पार पडली. या कार्यकारिणीला संबोधित करताना राज्याचे विरोधीपक्ष नेते देवेंद्र फडणवीस यांनी ओबीसी आरक्षणाच्या मुद्द्यावरून राज्य सरकारवर जोरदार टीका केली आहे. मराठा समाजाला स्वतंत्र आरक्षण मिळायलाच हवं. त्याबाबत दुमत नाही पण, ओबीसींच्या आरक्षणात आम्ही कोणताही वाटेकरी स्वीकारणार नाही. ओबीसी आरक्षणाला धक्का लावाल तर रस्त्यावर उतरून त्याला तीव्र विरोध करू, असा इशारा फडणवीस यांनी सरकारला दिला आहे.

मराठा समाजाला आरक्षण देताना आम्ही त्यात ओबीसींच्या आरक्षणाला धक्का दिला जाणार नाही, याबाबतचं कलम टाकलं. सर्वोच्च न्यायालयाने मराठा आरक्षणाला स्थगिती दिली आहे. पण या कलमाला कोणतीही स्थगिती दिली नाही. या कलमाद्वारे आम्ही ओबीसी आरक्षणाला संरक्षण दिलं आहे, असं सांगतानाच कोणत्याही परिस्थितीत आम्ही ओबीसी आरक्षणात वाटेकरी स्वीकारणार नाही. ओबीसींच्या आरक्षणाला धक्का लावाल तर याद राखा, रस्त्यावर उतरल्याशिवाय राहणार नाही, असा इशारा फडणवीस यांनी दिला.

तर, मराठा समाजाला स्वतंत्र आरक्षण मिळालं पाहिजे. ओबीसी आरक्षणात कोणीही वाटेकरी नको. ही भाजपची अधिकृत भूमिका आहे. आम्ही आमची भूमिका स्पष्ट केली. आता काँग्रेस आणि राष्ट्रवादीनेही ओबीसी आरक्षणाबाबतची त्यांची भूमिका स्पष्ट करावी, असं आव्हानच त्यांनी यावेळी दिलं. ओबीसी आरक्षणावरून दोन्ही काँग्रेसमधील नेत्यांमध्येच वेगवेगळ्या भूमिका असल्याची टीकाही त्यांनी केली.

महत्वाच्या बातम्या 

• जयंतराव लाळघोटेपणाची हद्दचं झाली; भाजपची टीका
• रिटायर्ड अधिकाऱ्याच्या खात्यातून तब्बल 40 लाख रुपयांची चोरी; थेट मोदींना पत्र लिहून केली तक्रार
• इंधन दरवाढीच्या तोंडावर इंडियन ऑईल कंपनीने ग्राहकांसाठी आणली खास ऑफर !
• पवारांच्या वाढदिवसाचा केक खाण्यासाठी झुंबड; निलेश राणेंनी ट्विट करत लगावला टोला
• सरकारने चर्चेच्या फेऱ्या बंद कराव्यात, आता निर्णय घ्यावा- राजू शेट्टी