देशमुखांच्या अडचणीत वाढ, सीबीआय करणार रश्मी शुक्लांना साक्षीदार

हैद्राबाद : मुंबईचे माजी पोलीस आयुक्त परमबीर सिंह यांनी केलेल्या आरोपांमुळे गृहमंत्री पायउतार व्हाव्या लागलेल्या अनिल देशमुख यांच्याविरुद्ध सीबीआयने गुन्हा दाखल केला आहे. सिंह यांनी केलेल्या आरोपांप्रकरणी देशमुख यांच्यासह इतरांविरुद्ध गुन्हा दाखल करण्यात आला असून, विविध ठिकाणांची झाडाझडती घेण्यास सीबीआयने सुरुवात केली आहे. देशमुख यांच्या घरासह त्यांच्या १० मालमत्तांवर सीबीआयनं छापे टाकले आहेत.

आता अनिल देशमुख प्रकरणात सीबीआयने वरिष्ठ आयपीएस अधिकारी रश्मी शुक्ला यांचा जबाब नोंदवला. मुंबईचे माजी पोलीस आयुक्त परमबीर सिंह यांनी माजी गृहमंत्री अनिल देशमुख यांनी शंभर कोटींच्या वसुलीचे आदेश दिल्याचा आरोप केला होता. या प्रकरणात सीबीआय शुक्ला यांना साक्षीदार करणार आहे. हैदराबादमध्ये रश्मी शुक्ला यांचा जबाब नोंदवण्यात आला आहे.

सीबीआयने याआधी अनिल देशमुख, त्यांचे दोन पीए संजीव पालांडे आणि कुंदन शिंदे यांचे जबाब नोंदवले आहेत. तर निलंबित पोलीस निरीक्षक सचिन वाझे आणि त्याच्या दोन वाहन चालकांसह अनेकांचे जबाब रेकॉर्ड करण्यात आले आहेत. २१ एप्रिलला रश्मी शुक्ला यांचा जबाब नोंदवल्याची माहिती आहे.दरम्यान, अंबानी स्फोटक प्रकरण व मनसुख हिरेन प्रकरणातील मुख्य आरोपी सचिन वाझे याने एका पत्रात मोठा गौप्यस्फोट केला आहे. त्याने अनिल देशमुखांसह शिवसेनेचे प्रमुख नेते व परिवहनमंत्री अनिल परब यांच्यावर देखील खंडणीच्या वसुलीचा गंभीर आरोप केला होता. यामुळे त्यांची देखील चौकशी करण्यात यावी अशी मागणी भाजपकडून करण्यात आली आहे.

महत्वाच्या बातम्या

• ऑरेंज कॅपच्या शर्यतीत डूप्लेसिस पोहोचला अव्वस्थानी; शिखर धवनला टाकले मागे
• चेन्नई एक्सप्रेस सुसाट; हैदराबाद संघावर ७ गडी राखुन मात
• ऑक्सिजन अभावी दौंडमध्ये ४ रुणांचा मृत्यू, नातेवाईकांचा हॉस्पिटलवर आरोप
• अखेर दीपाली चव्हाण प्रकरणी निलंबित वनसंरक्षक एम एस रेड्डीला अटक
• ‘दिलेला शब्द पाळा, केंद्रावर जबाबदारी ढकलू नका’ पंकजांनी ठाकरे सरकारला सुनावले