🕒 1 min read
मुंबई : केंद्रीय मंत्री नारायण राणे (Narayan Rane) आणि शिवसेना (Shivsena) यांच्यातील वाद काही नवा नाही. नारायण राणे जेव्हा संधी मिळेल तेव्हा शिवसेनेवर किंवा त्यांच्या नेत्यांवर टीका करतात. नारायण राणेंनी सावतंवाडीचे आमदार दीपक केसरकर (MLA Deepak Kesarkar) यांच्यावर जहरी टीका केली आहे. त्यांच्या टीकेला दीपक केसरकरांनीही सडेतोड उत्तर दिलं आहे. यावरुन राणे-केसरकरांच्यातील कलगितुरा रंगल्याचं पहायला मिळालं आहे. सावंतवाडीमध्ये घेतलेल्या कार्यकर्ता मेळाव्यात जोरदार टीका केली. सावंतवाडीचा आमदार शेंबड्या आहे. कसला आमदार निवडून दिला? विधानसभेत साधं बोलता येत नाही, अशी खोचक टीका नारायण राणेंनी दीपक केसरकरांवर केली होती.
नारायण राणेंचं सिंहासन मी हलवल ती राणेंच्या मनात सल. नारायण राणेंच सिंहासन मी हलवलं याची कायम सल त्यांच्या मनात आहे. त्यामुळे ते सावंतवाडीत येऊन माझ्यावर टीका करतात. माझ्यावर टीका केल्याशिवाय त्यांच राजकारण चालत नाही. ते नुसतं बोलतात. कामं करत नाहीत. मी बोलून दाखवत नाही आणि ज्यावेळेला बोलतो तेव्हा काय होत हे तुम्हाला माहीत आहे. तुमचं सिंहासन कोणामुळे हललं हे तुम्हाला माहीत आहे आणि त्याचीच सल तुमच्या मनात आहे हे मला माहीत आहे, असा खोचक टोला लगावत दीपक केसरकर यांनी नारायण राणेंच्या टीकेला उत्तर दिलं आहे.
दरम्यान, मी आमदार आणि मंत्री असताना विधानसभेत जे काम केले त्याची दखल आजही विधानभवनात घेतली जाते. मी विधानसभा गदागदा हलवून सोडली होती. विधानसभेत मी एक इतिहास निर्माण. मात्र हे तुमचे पिल्लू काहीच करत नाही. अशी खोचक टीका केंद्रीय मंत्री नारायण राणे यांनी दीपक केसरकर यांच्यावर केली आहे.
महत्वाच्या बातम्या
- शरद पवार, सुप्रिया सुळेंच्या भेटीला संजय राऊत, चर्चांना उधाण
- नक्षलवाद्यांचा मोबाईल टॉवरसह पंचायत इमारतीवर हल्ला, अपहरणाची शक्यता
- कंगनानंतर आता भारताच्या स्वातंत्र्याबाबत ‘या’ काँग्रेस नेत्याचे वादग्रस्त वक्तव्य
- कसला शेंबडा आमदार निवडून देता रे; नारायण राणेंची ‘या’ आमदारावर टीका
- पाकिस्तान मार्गे अफगाणिस्तानला गहू पाठवण्यास इम्रान खान यांची परवानगी
