कसला शेंबडा आमदार निवडून देता रे; नारायण राणेंची ‘या’ आमदारावर टीका

सिंधुदुर्ग : केंद्रीय मंत्री नारायण राणे (Narayan Rane) आणि शिवसेना (Shivsena) यांच्यातील वाद काही नवा नाही. नारायण राणे जेव्हा संधी मिळेल तेव्हा शिवसेनेवर किंवा त्यांच्या नेत्यांवर टीका करतात. नारायण राणेंनी सावतंवाडीचे आमदार दीपक केसरकर (MLA Deepak Kesarkar) यांच्यावर जहरी टीका केली आहे. सावंतवाडीत घेतलेल्या कार्यकर्ता मेळाव्यात नारायण राणेंनी तुफान टोलेबाजी करत दीपक केसरकरांवर जोरदार टीका केली आहे.

सावंतवाडीचा आमदार शेंबड्या आहे. कसला आमदार निवडून दिला? विधानसभेत साधं बोलता येत नाही, अशी घणाघाती टीका नारायण राणे यांनी दीपक केसरकरांवर केली आहे. एक साधा प्रश्न विचारला तर उत्तर देता आलं नाही. चष्मा नाकावर आलेला पडायचा बाकी होता, असा विधानभवनातील प्रसंग नारायण राणेंनी भर सभेत सांगत दीपक केसरकरांवर टीका केली आहे.

दरम्यान, मी आमदार आणि मंत्री असताना विधानसभेत जे काम केले त्याची दखल आजही विधानभवनात घेतली जाते. मी विधानसभा गदागदा हलवून सोडली होती. विधानसभेत मी एक इतिहास निर्माण केला आहे. मात्र हे तुमचे पिल्लू काहीच करत नाही. अशी खोचक टीका केंद्रीय मंत्री नारायण राणे यांनी दीपक केसरकर यांच्यावर केली आहे.

महत्वाच्या बातम्या

• अनिल देशमुखांविरोधातील तपासात राज्य सरकारचा हस्तक्षेपाचा प्रयत्न; सीबीआयचा आरोप
• शिवसेनेने साथ सोडली तरीही भाजपा हिंदूंच्या पाठीशी-अतुल भातखळकर
• रविकांत तुपकरांच्या गाडीचा अपघात; दोघेजण जखमी
• ‘जोपर्यंत संसदेत ठराव करून हे कायदे मागे घेतले जात नाहीत, तोपर्यंत…’, राऊतांचा इशारा
• सानियाच्या ‘त्या’ पोस्टमुळे शोएब मलिकने अर्धवट सोडला बांगलादेश दौरा