राज्यातील महाविद्यालयांचा अभ्यासक्रम १ महिना लांबणीवर; राज्य सरकारचा निर्णय

🕒 1 min read

मुंबई : कोरोनाचा फटका संपूर्ण जगाला बसला आहे. राज्यात कोरोनाच्या दुसऱ्या लाटेने कहर माजवला होता. कोरोनाच्या पहिल्या आणि दुसऱ्या लाटेत करण्यात आलेल्या लॉकडाऊनमुळे शैक्षणिक क्षेत्राला मोठा फटका बसला आहे. कोरोनाची स्थिती सध्या आटोक्यात आली असली तरी अद्याप महाविद्यालये सुरु झालेली नाहीत. तर, मागील काळात ऑनलाईन पद्धतीने शिक्षण सुरु ठेवण्यात आला. याचा परिणाम गुणवत्तेवर होत आहे.

दरम्यान, नवीन महाविद्यालय तसेच अभ्यासक्रम सुरु करण्यासाठी निश्चित केलेले वेळापत्रक कोविडमुळे एक महिना पुढे ढकलण्याचा निर्णय आज झालेल्या मंत्रिमंडळ बैठकीत घेण्यात आला. बैठकीच्या अध्यक्षस्थानी मुख्यमंत्री उद्धव ठाकरे होते.

महाराष्ट्र सार्वजनिक विद्यापीठ अधिनियम 2016 मधील कलम 109 मध्ये नवीन महाविद्यालय, परिसंस्था सुरु करणे तसेच नवीन अभ्यासक्रम, विषय, विद्याशाखा, अतिरिक्त तुकड्या किंवा सॅटेलाईट केंद्र सुरु करण्यासाठी परवानगी देण्याची पद्धत निश्चित केली आहे. कोविडमुळे वर्ष 2021-22 मध्ये विहित वेळेत कार्यवाही होऊ न शकल्याने हे वेळापत्रक एक महिन्याने पुढे ढकलण्याचा निर्णय घेण्यात आला. या संदर्भात महाराष्ट्र सार्वजनिक विद्यापीठ अधिनियम 2016 मधील कलम 109 मध्ये सुधारणा करण्यासाठी अध्यादेश काढण्यात येईल.

महत्त्वाच्या बातम्या

• अश्विनला बाद केल्यानंतर साऊदी आणि मॉर्गनने डिवचलं अन् चिडलेल्या अश्विनने…
• भुजबळांविरोधातली याचिका मागे घ्या; शिवसेना आमदाराला अंडरवर्ल्ड डॉन छोटा राजन टोळीची धमकी
• किती नौटंकी करणार शिवसेना? किती चुना लावणार लोकांना? भाजप आमदाराने उडवली खिल्ली
• ८ तासांच्या चौकशीनंतर मंत्री अनिल परब ईडी कार्यालयाच्या बाहेर!
• सातत्याने जावयाचं नाव घेऊ नका, हे काही बरोबर नाही; हसन मुश्रीफ संतापले