मनपाची धडाकेबाज कारवाई, १८ मोबाईल टॉवर सील

औरंगाबाद : महानगरपालिका हद्दीतील थकीत मालमत्ताकर वसुली संदर्भात प्रशासक तथा आयुक्त आस्तिक कुमार पांडेय यांनी सक्त वसुलीचे आदेश दिले आहेत. या अनुषंगाने शहरातील ९ झोन मध्ये असणारे विविध मोबाईल कंपनीच्या टॉवर्सची थकबाकी बाबत सर्व वॉर्ड अधिकाऱ्यांनी यांनी शहरातील ९ झोन मध्ये १८ मोबाईल टॉवर्स सील केले आहेत.

सील करण्यात आलेल्या मोबाईल टॉवर्स मध्ये झोन १ मधील व्होडाफोन कंपनी चे १ टॉवर, व्हिआय नेटचे १ टॉवर, झोन क्रमांक २, ४, ६, ८ याठिकाणी इंडस कंपनीचे ६ मोबाईल टॉवर, झोन ३, ४, ६, ७  येथे रिलायन्स इन्फो चे ५ मोबाइल टॉवर्स, झोन ३ येथे एटीसी कंपनीचे १ टॉवर, झोन ८ मध्ये एअरटेल कंपनीचे १, व जीटीएल कंपनीचे १ मोबाईल टॉवर,  झोन ७ मध्ये एकेएमई यांचे १ टॉवर, आणि झोन ८ मध्ये व्हीजन इंडियाचे १ मोबाईल टॉवर यांचा समावेश आहे.

या सर्व सील केलेल्या मोबाईल टॉवर्स कंपनीकडे एकूण ३,२२,९३,२१२ रु थकीत होते. यापैकी रिलायन्स इन्फ्रा कंपनीने २२,०६,०५९  रक्कम जमा केली आहे. प्रशासक तथा आयुक्त आस्तिक कुमार पांडेय यांच्या मार्गदर्शनाखाली टास्क फोर्स प्रमुख तथा कर निर्धारक व संकलक अपर्णा थेटे व मोबाईल टॉवर विशेष वसुली अधिकारी शिवाजी झनझन यांच्या नेतृत्वाखाली सर्व वॉर्ड अधिकारी, वसुली कर्मचारी यांनी ही कामगिरी पार पाडली.

महत्वाच्या बातम्या

• व्हिडिओकॉनच्या कामगारांना मुख्यमंत्री ठाकरेंचे आश्वासन, लवकरच तोडगा काढणार
• मद्यपी तरुणाची डॉक्टरला मारहाण, वाळूज पोलिसांत गुन्हा दाखल
• रेल्वेने प्रवास करणाऱ्या प्रवाश्यांसाठी खुशखबर; रेल्वेने सुरू केल्या ‘या’ नवीन रेल्वेगाडया
• अतिक्रमणधारकांचा अहवाल सादर करण्याचे तहसीलदारांचे आदेश
• शेतकऱ्यांच्या आंदोलनाकडे फारसे लक्ष देण्याची गरज नाही: सुब्रमण्यम स्वामी