मद्यपी तरुणाची डॉक्टरला मारहाण, वाळूज पोलिसांत गुन्हा दाखल

औरंगाबाद : दात दुखत असल्याने रुग्णालयात आलेल्या तरुणाला मद्यपानामुळे उद्या उपचार करण्याचे सांगताच संतापलेल्या तरुणासह त्याच्या साथीदारांनी डॉक्टरला मारहाण केली. ही घटना 4 फेब्रुवारीला सायंकाळी साडेसातच्या सुमारास एमआयडीसी वाळुज भागात घडली.

डॉ. सय्यद तफजुल अली बासीत अली (वय ३३, रा. प्रियदर्शिनी कॉलनी, रावरसपुरा, पडेगाव) यांचे एमआयडीसी वाळुज भागात दंत रुग्णालय आहे. सायंकाळी साडेसातच्या सुमारास रुग्णालयात मद्यपी तरुण कृष्णा गायकवाड गेला. त्यावेळी त्याने दात दुखत असल्याचे डॉक्टरांना सांगितले. त्यावर डॉक्टरांनी त्याला दातामध्ये चिकनचे हाड अडकले आहे. त्यामुळे भूल देऊनच ते काढावे लागणार असल्याचे डॉक्टर म्हणाले.

त्याचा राग आल्याने कृष्णा गायकवाड याने महिला डॉक्टरला शिवीगाळ केली. तसेच रंजीत केरे व अन्य एका साथीदाराला सोबत आणत पुन्हा डॉ. अली यांच्या केबिनच्या दरवाजाला लाथ मारुन शिवीगाळ व मारहाण केली. हा प्रकार सुरू असताना डॉ. सय्यद काजीम अली वासीद अली हे भांडण सोडविण्यासाठी आले असता त्यांना देखील मारहाण केली. तसेच डेंटल चेअर व मशीनची तोडफोड केली. त्यावरुन एमआयडीसी वाळुज पोलीस ठाण्यात गुन्हा दाखल करण्यात आला आहे.

महत्वाच्या बातम्या

• महाविद्यालय प्रशासनाच्या छळाला कंटाळून विद्यार्थ्याचा आत्महत्येचा प्रयत्न
• ‘चायना आणि पाकिस्तानच्या सीमेवर जेवढा बंदोबस्त नाही इतका शेतकऱ्यांसाठी केलाय’
• गेल्या वर्षभरात खडसे,सरनाईक यांच्यासह ‘या’ दिग्गज नेत्यांना आल्या आहेत ईडीच्या नोटीसेस
• यामुळे झाले ह्युन्दाईच्या क्रेटाचे डीझेल मॉडेल बंद !
• ग्रेटा थनबर्गला अभिनेता प्रकाश राज यांचा पाठिंबा, म्हणाले…