नागपूर : कोरोनामुळे सध्या राज्यातील बहुतांश शाळा बंद आहेत. यामुळे अनेक शिक्षकांवर उपासमारीची वेळ आली आहे. याचमुळे आर्थिक संकटात सापडलेल्या तेलंगणातील एक शिक्षकाने गांजाची तस्करी केल्याचा प्रकार समोर आला आहे. या तस्कर शिक्षकाला नागपूर पोलिसांनी अटक केली आहे. त्यानंतर तस्करी करणाऱ्या बड्या रॅकेटचा पर्दाफाश झाला.
पोलिसांना नागपूर मार्गे गांजाची वाहतूक होत असल्याची माहिती मिळाली. वाहतुकीचा वारंगल ते दिल्ली असा मार्ग असल्याने बेलतरोडी पोलिसांनी नागपूरच्या वर्धा मार्गावर सापळा रचला. एका गाडीवर पोलिसांना संशय आला आणि त्यांनी गाडी थांबवायला सांगितली. पण गाडी चालकाने थांबवली नाही. अखेर पोलिसांनी पाठलाग करून काही अंतरावर गाडी थांबवत कारवाई केली.
शिवशंकर इस्मपल्ली हा तेलंगणाच्या वारांगना येथे एका शाळेत शिक्षक म्हणून काम करायचा. मात्र, कोरोना संकटामुळे शाळाच बंद पडली. त्यामुळे या शिक्षकावर आर्थिक संकट ओढावले. यामधून मार्ग काढण्यासाठी त्याने गांजा तस्करीचा पर्याय निवडला. आरोपी शिक्षक वारंगल ते दिल्ली अशा रॅकेटमध्ये सामील झाला. रस्तेमार्गे खेप पोचवत असताना तो नागपूरच्या वर्धा मार्गावर बेलतरोडी पोलिसांच्या हाती लागला. त्याच्याकडून जवळपास एक क्विटंल गांजा जप्त करण्यात आला. या गांजाची किंमत १३ लाख रुपये इतकी आहे.
महत्त्वाच्या बातम्या
- ‘पश्चिम बंगालमध्ये प्रचाराला येऊ नका, अन्यथा..’ काँग्रेसचे शरद पवारांना पत्र
- ‘आपण छत्रपती शिवरायांच्या भूमीत राहतो की मोगलांच्या?’
- नवल! तलावातून चार क्विंटल माशांची चोरी
- डीएनए अहवालाच्या पुराव्यामुळे अत्याचारातील आरोपीला २० वर्षांची शिक्षा
- काँग्रेस नेते अशोक चव्हाण यांच्यासमोर अडचण, कोर्टाने बजावली नोटीस
बातम्यांसाठी YouTube चॅनेल Subscribe करा
Subscribe Now
